कैलाश विकास बैंककाे खातामा पैसा नभएकाे चेक काट्ने रामसुन्दर डंगाेल पक्राउ

मुख्य समाचार

गृहपृष्ठ
मुख्य समाचार

कैलाश विकास बैंककाे खातामा पैसा नभएकाे चेक काट्ने रामसुन्दर डंगाेल पक्राउ

क्यापिटल नेपालमंगलबार, वैशाख २७, २०७९

काठमाडौं । बैंकिङ कसुर मुद्दामा दोषी ठहर भई झण्डै ३७ लाख रूपैयाँ जरिवाना तोकिएका फरार व्यक्तिलाई प्रहरीले पक्राउ गरी अदालतमा पेश गरेको छ ।

प्रहरीको केन्द्रीय अनुसन्धान ब्यूरो (सीआईबी)ले बैंँकिङ कसुरमा काठमाडौं महानगरपालिका– ८ का ५० वर्षीय रामसुन्दर डंगाेललाई पक्राउ गरेको हो । उनले विसं २०७७ मा कैलाश विकास बैंकमा रहेको बैंक खाताबाट रकम भुक्तान हुने भनी चेक दिएका थिए ।

साे बैंक खातामा पर्याप्त मौज्दात रकम नभएको भन्ने जानी–जानी जाहेरवालालाई झुक्यानमा पारी दिएको चेकको रकम भुक्तान हुन नसकेको उनीविरुद्ध मुद्दा परेको थियो । बैंकिङ कसूर तथा सजाय ऐन २०६४ बमोजिमको कसूरमा उच्च अदालत पाटनको यही ४ गतेको फैसलाले डंगाेललाई ७ दिन कैद र रु ३६ लाख ७५ हजार जरिवाना हुने ठहर गरेकोको थियो ।

फरार रहेका उनलाई प्रहरीको केन्द्रीय अनुसन्धान ब्युरोले फैसला कार्यान्वयन तथा फरार प्रतिवादीको खोजतलास गर्ने क्रममा सोमबार काठमाडौंको पिङ्गलास्थानबाट पक्राउ गरेको थियो । उनलाई फैसला कार्यान्वयनका लागि काठमाडौं जिल्ला अदालतमा पेश गरिएको ब्युरोका प्रवक्ता प्रहरी उपरीक्षक कलम थापाले जानकारी दिए।

प्रकाशित मिति: मंगलबार, वैशाख २७, २०७९ १६:०५

प्रतिक्रिया दिनुहोस्