महँगीकाे मारमा जनता, मूल्यवृद्धि ७.२८ प्रतिशत

मुख्य समाचार

गृहपृष्ठ
मुख्य समाचार

महँगीकाे मारमा जनता, मूल्यवृद्धि ७.२८ प्रतिशत

क्यापिटल नेपालबुधबार, वैशाख २८, २०७९

काठमाडौं । देशको मूल्यवृद्धि ७.२८ प्रतिशत पुगेको छ । नेपाल राष्ट्र बैंकले सार्वजनिक गरेको चालू आर्थिक वर्षको ९ महिनाको वित्तीय विवरणअनुसार गत चैत महिनाको वार्षिक बिन्दुगत उपभोक्ता मुद्रास्फीति अर्थात् मूल्यवृद्धि ७.२८ प्रतिशत रहेको छ ।

अघिल्लो वर्षको सोही महिनामा यस्तो मूल्यवृद्धि ३.१० प्रतिशत मात्रै थियो ।

चैत महिनाकाे समीक्षा अवधिमा खाद्य तथा पेयपदार्थ समूहको मूल्यवृद्धि ७.४० प्रतिशत र गैरखाद्य तथा सेवा समूहको ७.१८ प्रतिशत रहेको छ ।

समीक्षा अवधिको औसत मूल्यवृद्धि भने ५.६२ प्रतिशत छ ।

समीक्षा महिनामा काठमाडौं उपत्यकामा ६.२५ प्रतिशत, तराईमा ७.६१ प्रतिशत, पहाडमा ७.७९ प्रतिशत र हिमालमा ८.२५ प्रतिशत मूल्यवृद्धि रहेको राष्ट्र बैंकले जनाएको छ । सरकारले यस आर्थिक वर्षमा मूल्यवृद्धि ६.५ प्रतिशतको सीमाभित्रै राख्ने लक्ष्य लिएको छ ।

प्रकाशित मिति: बुधबार, वैशाख २८, २०७९ १५:४६

प्रतिक्रिया दिनुहोस्