इन्धनमा लागेको पूर्वाधार कर हट्यो,पेट्रोलमा २० र डिजेलमा २९ रुपैयाँ मूल्य घट्यो

कर्पोरेट बजार

गृहपृष्ठ
कर्पोरेट बजार

इन्धनमा लागेको पूर्वाधार कर हट्यो,पेट्रोलमा २० र डिजेलमा २९ रुपैयाँ मूल्य घट्यो

क्यापिटल नेपाल शनिबार, असार ११, २०७९

काठमाडौं । इन्धनको मूल्य वृद्धिको विषयमा चर्को आलोचना भएसँगै सरकारले पूर्वधार कर हटाएको छ । उद्योग वाणिज्य तथा आपूर्तिमन्त्री दिलेन्द्रप्रसाद बडूले शनिवार पत्रकार सम्मेलन गर्दै पेट्रोलमा २० र डिजेलमा प्रतिलिटर २९ रुपैयाँ मूल्य घटाएको जानकारी दिए ।

कर कटौती भएसँगै अब डिजेल प्रतिलिटर १६४ र पेट्रोल १७९ रुपैयाँ पर्नेछ । सरकारको घोषणासँगै नेपाल आयल निगमले शनिबार राति १२ बजेदेखि लागू हुनेगरी पेट्रोलियम पदार्थको नयाँ मूल्य सार्वजनिक गर्ने तयारी गरेको छ ।

नेपाल आयल निगमले पछिल्लो पटक डिजेल र मट्टितेलमा २७ र पेट्रोलमा प्रतिलिटर २१ रुपैयाँ भाउ बढाएको थियो । अहिले पेट्रोल प्रतिलिटर १९९ रुपैयाँ र डिजलरमट्टितेल प्रतिलिटर १९२ रुपैयाँमा कारोबार भइरहेको छ ।

यसअघि शनिबार बिहान प्रधानमन्त्री निवास बालुवाटारमा बसेको सत्ता गठबन्धनको बैठकले सरकारलाई पेट्रोलियम पदार्थको मूल्य समायोजन गर्न सरकारलाई निर्देशन दिएको थियो ।

प्रकाशित मिति: शनिबार, असार ११, २०७९ १३:०२

प्रतिक्रिया दिनुहोस्