एनएमबी बैंकको वित्तीय साक्षरता, चार हजार लाभान्वित

कर्पोरेट बजार

गृहपृष्ठ
कर्पोरेट बजार

एनएमबी बैंकको वित्तीय साक्षरता, चार हजार लाभान्वित

क्यापिटल नेपाल बुधबार, चैत ११, २०८२

काठमााडौं। एनएमबी बैंकले ग्लोबल मनी विक २०२६ अवसरमा देशभर विभिन्न वित्तीय साक्षरता सम्पन्न गरेको छ।

बैंकले युवा पुस्तामा वित्तीय ज्ञान र सचेतना अभिवृद्धि गर्ने उद्देश्यले देशभर रहेका शाखामार्फत विभिन्न विद्यालय, कलेज तथा समुदायस्तरमा वित्तीय साक्षरता कार्यक्रम सञ्चालन गरेको हो।

कार्यक्रममा सहभागीलाई बचत, जिम्मेवार वित्तीय व्यवहार, डिजिटल बैंकिङको सुरक्षित प्रयोग तथा दीर्घकालीन वित्तीय योजना सम्बन्धी जानकारी दिइएको बैंकले जनाएको छ।

बैंकद्वारा सञ्चालन गरिएका वित्तीय साक्षरता कार्यक्रममार्फत चार हजारभन्दा बढी सहभागी प्रत्यक्ष रूपमा लाभान्वित भएका छन्।

ग्लोबल मनी विक २०२६ को अवसरमा बैंकले देशका विभिन्न स्थानमा वित्तीय सचेतना अभिवृद्धि गर्ने उद्देश्यले प्रभातफेरी तथा जनचेतनामूलक कार्यक्रम सम्पन्न गरेको छ। सामाजिक सञ्जालमार्फत वित्तीय सचेतनासम्बन्धी विभिन्न जानकारीमूलक सामग्री प्रचार गरिएको बैंकले जनाएको छ।

हाल बैंकले २०२ शाखा, १८४ एटीएम र ९ एक्सटेन्सन काउन्टरबाट बैंकिङ सेवा दिँदै आएको छ।

प्रकाशित मिति: बुधबार, चैत ११, २०८२ १०:०५

प्रतिक्रिया दिनुहोस्