नेप्सेसँगै घट्यो कारोबार रकम पनि

मुख्य समाचार

गृहपृष्ठ
मुख्य समाचार

नेप्सेसँगै घट्यो कारोबार रकम पनि

क्यापिटल नेपाल बिहीबार, साउन १९, २०७९

काठमाडौं । साताको पाँचौं कारोबार दिन नेपाल स्टक एक्सचेन्ज ‘नेप्से’ उच्च अंकले घटेको छ । यस दिन नेप्से परिसूचक ३८.६१ अंकले घटेर २ हजार १४८.१६ बिन्दुमा झरेको छ ।

आज २ हजार १९२ बिन्दुमा खुलेको बजार उच्च अंकले घटेर २१४८.१६ बिन्दुमा झरेर बन्द भएको छ । उच्च अंकले घटेको बजारमा ३ अर्ब ७६ करोडको कारोबार भएको छ । आज नेप्से उच्च २ हजार १९३ बिन्दु र न्यून २ हजार १४७ बिन्दुमा झरेको थियो ।

आज नेप्से परिसूचकसँगै कारोबार रकम घटेको छ । आज नेप्सेमा ३ अर्ब ७६ करोड ८० लाख रुपैयाँको कारोबार भएको छ । अघिल्लो कारोबार दिन बुधबार नेप्सेमा ४ अर्ब २ करोडको कारोबार भएको थियो ।

आज नेप्सेमा २ सय १५ कम्पनीको ८५ लाख ६९ हजार कित्ता सेयर खरिद बिक्री भएको छ । आज नेप्से कारोबारमा आएका २१५ कम्पनीमध्य १९ कम्पनीको सेयरमूल्य बढेको छ भने १६१ कम्पनीको सेयरमूल्यमा गिरावट आएको छ । अन्य ७ कम्पनीको सेयरमूल्य भने स्थिर रहेको छ ।

नेप्सेमा बलेफी हाइड्रोपमवर कम्पनीको सर्वाधिक ९.९८ प्रतिशतले सेयर मूल्य बढेको छ । त्यस्तैगरी सामलिङ पावर कम्पनीको ५.३९ प्रतिशत र रिभर फल्स कम्पनीको सेयरमूल्य ५.३५ प्रतिशतले बढेको छ ।
त्यस्तै, युनाइटेड इदि मर्दी आरबि हाइड्रोपमवावरको सर्वाधिक ९.५२ प्रतिशतले सेयरमूल्य घटेको छ ।

आज नेप्सेमा शिवम् सिमेन्टको सर्वाधिक २५ करोड २२ लाख रुपैयाँको कारोबार भएको छ । त्यस्तै, हिमालयन डिस्टीलरी कम्पनीको १३ करोड १७ लाख रुपैयाँ बराबरको कारोबार भएको छ ।

प्रकाशित मिति: बिहीबार, साउन १९, २०७९ १५:५१

प्रतिक्रिया दिनुहोस्