१ करोड बढी राजस्व छली गर्ने साझा रेष्टुरेन्टका सञ्चालकविरुद्ध मुद्दा दायर

मुख्य समाचार

गृहपृष्ठ
मुख्य समाचार

१ करोड बढी राजस्व छली गर्ने साझा रेष्टुरेन्टका सञ्चालकविरुद्ध मुद्दा दायर

क्यापिटल नेपाल शुक्रबार, साउन २०, २०७९

काठमाडौं । राजस्व अनुसन्धान विभागले साझा रेष्टुरेन्टका सञ्चालकविरुद्ध राजस्व छली गरेको आरोपमा मुद्दा दायर गरेको छ।

विभागले राजस्व चुहावट गरेको अभियोगमा रेष्टुरेन्टका प्रोप्राइटर प्रकाश यादव र विष्णु यादवविरुद्ध १ करोड ८ लाख ३६ हजार रुपैयाँ राजस्व छली गरेको अभियोगमा उच्च अदालत तुलसीपुर, बुटवल इजलास बुटवलमा मुद्दा दायर गरेको हो ।

यादवले रेष्टुरेन्टका सम्पूर्ण कारोबारअनुसारको विवरण पेस नगरी मूल्य अभिवृद्धि कर (भ्याट) मा दर्ता नभई असुली गरेको र कर कार्यालयमा दाखिला नगरी कारोबारसमेत लुकाइ सोबाट प्राप्त रकम मध्ये केही रकम आधिकारिक कारोबारमा समावेश गर्ने तर ठूलो परिमाणको बिक्रीलाई कारोबार भन्दा बाहिर राखी आयकर तथा भ्याट छली तथा आयकरतर्फ ५१ लाख ४१ चालिस हजार ९०२ र भ्याटतर्फ ५६ लाख ९४ हजार ६२१ गरी जम्मा बिगो रकम १ करोड ८ लाख ३६ हजार रुपैयाँ राजस्व चुहावट गरेके कार्यालयको दाबी छ।

राजस्व छली गरेकाे अभियेगमा ऐन बमोजिम हदैसम्मको कैद र सो करको ब्याजसमेत असूलका साथै बरामद भएको मोटरसाइकल जफत हुने मागदावीसहित उच्च अदालत तुलसीपुर बुटवल इजलास, बुटवलमा मुद्दा दायर गरिएको विभागले जनाएकाे छ।

प्रकाशित मिति: शुक्रबार, साउन २०, २०७९ १६:५२

प्रतिक्रिया दिनुहोस्