सिटिजन्स बैंकले ९ प्रतिशत लाभांश दिने

मुख्य समाचार

गृहपृष्ठ
मुख्य समाचार

सिटिजन्स बैंकले ९ प्रतिशत लाभांश दिने

क्यापिटल नेपालशुक्रबार, कात्तिक ४, २०७९

काठमाडौं । सिटिजन्स बैंक इन्टरनेसनलको १६औं वार्षिक साधारणसभा सम्पन्न भएको छ । बैंक सञ्चालक समितिका अध्यक्ष राजन सिंह भण्डारीको अध्यक्षतामा शुक्रबार सम्पन्न साधारणसभाले ९ प्रतिशत लाभांश पारित गरेको छ ।

आर्थिक वर्ष २०७८/७९ को वितरणयोग्य मुनाफाबाट १४ अर्ब २ करोड ९७ लाख ४ हजार ६ रुपैयाँको ९ प्रतिशतका दरले हुन आउने १ अर्ब २७ करोड ८० लाख ८७ हजार ६ सय ६१ रूपैयाँ बराबरको नगद लाभांश (लाभांश कर समेत) दिने प्रस्ताव सर्वसम्मतिबाट पारित गरेको बैंकले जारी गरेको विज्ञप्तिमा उल्लेख छ । यससँगै सिटिजन्स बैंक आव २०७८/७९ को लाभांश पारित गर्ने पहिलो बैंक बनेको छ ।

साधारणसभाले सञ्चालक समितिको वार्षिक प्रतिवेदन छलफल गरी पारित गरिएको छ । बैंकको लेखापरीक्षकको प्रतिवेदनसहित २०७९ असार मसान्तको एनरएफरआररएस बमोजिम तयार गरिएको वासलात, आव २०७८/७९ को नाफा नोक्सानीको हिसाव तथा नगद प्रवाह विवरण लगायतका एकीकृत वित्तीय विवरणहरू पनि छलफल गरी स्वीकृत भएको छ ।

साथै साबिक सिर्जना फाइनान्सलाई प्राप्ति गरेपश्चात साबिक पुँजी संरचना ५१:४९ परिवर्तन भई कायम भएको पूँजी संरचना ५१.०७ :४८.९३ बमोजिम प्रबन्धपत्रमा संसोधन गर्ने प्रस्ताव समेत साधारणसभाले पारित गरेको छ ।

प्रकाशित मिति: शुक्रबार, कात्तिक ४, २०७९ १७:०१

प्रतिक्रिया दिनुहोस्