गौरबाट नक्कली नोटसहित साह पक्राउ

मुख्य समाचार

गृहपृष्ठ
मुख्य समाचार

गौरबाट नक्कली नोटसहित साह पक्राउ

क्यापिटल नेपालआइतबार, कात्तिक १३, २०७९

रौतहट । गौरबाट नेपाली नक्कली नोटसहित प्रहरीले एक जनालाई पक्राउ गरेको छ । पक्राउ पर्नेमा गौर नगरपालिका-४ टिकुलियाका जयप्रकाश साह रहेको रौतहट प्रहरी प्रमुख एसपी वीरबहादुर ठाडामगरले बताए ।

गौरस्थित पेट्रोल पम्पमा शनिबार दिउँसो नक्कली नोट दिएर पेट्रोल खरिद गरिरहेको सूचनाको आधारमा प्रहरीले साहलाई पक्राउ गरेको थियो । उनको साथबाट ३ थान नेपाली हजारको नक्कली नोट बरामद गरिएको एसपी ठाडामगरले जानकारी दिएका छन् ।

साहलाई नियन्त्रणमा लिएलगत्तै टिकुलियास्थित उनको घरमा समेत खानतलासी गरिएको थियो । साहलाई नियन्त्रणमा लिएर थप अनुसन्धान भइरहेको जिल्ला प्रहरी कार्यालय रौतहटले जनाएको छ । साह गौर बजारमा ठेला व्यवसाय गर्दै आएका छन् ।

प्रकाशित मिति: आइतबार, कात्तिक १३, २०७९ १२:१४

प्रतिक्रिया दिनुहोस्