मुक्तिनाथ विकास बैंकद्वारा २६४ जना महिला उद्यमी सम्मानित

मुख्य समाचार

गृहपृष्ठ
मुख्य समाचार

मुक्तिनाथ विकास बैंकद्वारा २६४ जना महिला उद्यमी सम्मानित

क्यापिटल नेपालशुक्रबार, कात्तिक २५, २०७९

काठमाडौं । मुक्तिनाथ विकास बैंकले लघु बैंकिङअन्तर्गत विभिन्न कृषि, पशुपालन तथा साना साना उद्यमहरू सञ्चालन गरिरहेका उत्कृष्ट २ सय ६४ जना महिला उद्यमीलाई सम्मान गरेको छ ।

चालू आर्थिक वर्ष २०७९्/८० मा आफ्नो कार्यक्षेत्र भित्रका ५० वटा स्थानहरूमा बैंकको लघु बैंकिङ कार्यक्रममा आबद्ध सदस्यलाई केन्द्रित गरी आयोजना भएको गोष्ठी तथा वित्तीय साक्षरता कार्यक्रमका दौरान महिला उद्यामीहरूलाई सम्मान गरेको बैंकले जनाएकाे छ।

उत्कृष्ट महिला उद्यमीहरूलाई सम्मान तथा उनीहरुलाई आफ्नो व्यवसाय विस्तार तथा व्यवस्थापन गर्न वित्तीय ज्ञान र वित्तीय प्रणालीबारे जानकारी दिने उद्देश्यले कार्यक्रम आयोजना गरिएको बैंकले जनाएको छ ।

उक्त कार्यक्रममा स्थानीय निकायका पदाधिकारी, विभिन्न पेशामा आबद्ध महिला उद्यमीसहित ३ हजार ५ सय जना उपस्थिति रहेको समेत बैंकले बताएको छ।

बैंकका अनुसार उक्त कार्यक्रममा महिला सशक्तीकरण, वित्तीय ज्ञान र देश विकासको प्रमुख आधार, कृषिमा व्यवसायिक सुधार भन्ने अभियानलाई प्राथमिकतामा राखि मुक्तिनाथ कृषि कम्पनीका अधिकारीको उपस्थितिमा स्थानीय किसानहरुको समस्या सुन्ने, समाधान गर्ने र कृषि पेशालाई सम्मानित पेशाको रूपमा विकास गर्ने उपाय सिकाउने कार्य पनि भएको छ।

प्रकाशित मिति: शुक्रबार, कात्तिक २५, २०७९ १२:२२

प्रतिक्रिया दिनुहोस्