बढ्यो आधार दर, महँगीयो ऋणको ब्याजदर

मुख्य समाचार

गृहपृष्ठ
मुख्य समाचार

बढ्यो आधार दर, महँगीयो ऋणको ब्याजदर

क्यापिटल नेपाल बुधबार, कात्तिक ३०, २०७९

काठमाडौं। चालू आर्थिक वर्ष असोज मसान्तमा बैंकहरूका आधार दर बढेको छ।

अघिल्लो आर्थिक वर्ष असोजको तुलनामा चालू आर्थिक वर्ष असोजमा बैंकहरूका औसत आधारदर (बेस रेट) बढ्दा ऋणको ब्याजदर महँगीएको हो।

गत वर्ष असोजमा बैंकहरूका बेस रेट ७.५७ थियो। चालू आर्थिक वर्ष आसोजमा बैंकहरूका बेस रेट २.७७ प्रतिशतले बढेर १०.३४ प्रतिशत पुगेको छ।

बेस रटेमा भएको वृद्धिकै अनुपातमा कर्जाको ब्याजदर पनि बढेन गर्छ। यद्यपी गत असोजमा ७.५७ प्रतिशत रहेको बैंक तथा वित्तीय क्षेत्रका आधारदर २.७७ प्रतिशतले बढेको हो। २०७८ असोजमा ९१–दिने ट्रेजरी बीलको भारित औसत ब्याजदर ४.८६ प्रतिशत रहेकामा २०७९ असोजमा १०.१४ प्रतिशत छ।

वाणिज्य बैंकहरूबीचको अन्तर–बैंक कारोबारको भारित औसत ब्याजदर २०७८ असोजमा ४.९५ प्रतिशत रहेकामा २०७९ असोजमा ८.५० प्रतिशत छ। मौद्रिक नीतिको सञ्चालन लक्ष्यका रूपमा लिइने औसत अन्तर–बैंक ब्याजदर २०७९ असोजमा ८.५१ प्रतिशत छ।

अघिल्लो वर्षको सोही महिनामा यस्तो ब्याजदर ४.९५ प्रतिशत थियो। वाणिज्य बैंकहरूका औसत आधारदर २०७८ असोजमा ७.५७ प्रतिशत रहेकामा २०७९ असोजमा १०.३४ प्रतिशत कायम भएको छ।

२०७९ असोजमा वाणिज्य बैंकहरूका निक्षेपको भारित औसत ब्याजदर ८.१६ प्रतिशत र कर्जाको भारित औसत ब्याजदर १२.१९ प्रतिशत छ। अघिल्लो वर्षको सोही महिनामा यस्ता दरहरू क्रमशः ५.४३ प्रतिशत र ८.६९ प्रतिशत थिए।

प्रकाशित मिति: बुधबार, कात्तिक ३०, २०७९ १५:३१

प्रतिक्रिया दिनुहोस्