एनआईसी एसिया बैंकको ‘विश्वकप २०२२’ विशेष योजना, ३ सयले फाइनल खेल सिनेमा हलमा हेर्न पाउने

मुख्य समाचार

गृहपृष्ठ
मुख्य समाचार

एनआईसी एसिया बैंकको ‘विश्वकप २०२२’ विशेष योजना, ३ सयले फाइनल खेल सिनेमा हलमा हेर्न पाउने

क्यापिटल नेपालशुक्रबार, मंसिर १६, २०७९

काठमाडाैं। एनआईसी एसिया बैंकले डिजिटल बैंकिङको प्रवर्द्धनका लागि आफ्ना मोबाइल बैंकिङ प्रयोगकर्तालाई लक्षित गरेर ‘विश्वकप २०२२’ विशेष योजना सञ्चालनमा ल्याएको छ।

योजनाअनुसार बैंकको मोबाइल बैंकिङ एप प्रयोग गरी विश्वकपका खेलहरूको सही विजेता अनुमान गर्ने फुटबल प्रेमी ग्राहकमध्ये प्रत्येक खेलमा ५ देखि १० जनालाई ५ सयदेखि २ हजारसम्मको मोबाइल टपअप प्रदान गर्ने व्यवस्था बैंकले गरेको छ।

साथै उक्त योजनाअन्तर्गत भाग्यशाली ३ सय जनालाई बैंकले सिनेमा हलमा निःशुल्क विश्वकप फाइनल खेल हेर्ने अवसर प्रदान गर्नेछ। २० लाख पटक भन्दा बढी डाउनलोड भैसकेको एनआईसी एसिया मेबाइल बैंक एपमा बैंकले विश्वकपको सम्पूर्ण खेलहरूको तालिकासहित खेलसम्बन्धी अन्य विवरणसमेत समावेश गरेको छ। जसको आधारमा ग्राहकले प्रत्येक खेल सुरू हुनुअघि विजेता अनुमान गर्न सक्नेछन्।

काठमाडौंस्थित एक सिनेमा हलमा फाइनल खेल हेर्नका लागि वितरण गरिने ३ सय वटा टिकटमध्ये १ सय ४० वटा ग्राहकलाई र २०७९ मंसिरमा सबैभन्दा बढी डिजिटल कारोबार गर्ने विभिन्न मर्चेन्टलाई प्रति मर्चेन्ट २ देखि ४ वटाका दरले १ सय ६० टिकट वितरण गर्ने व्यवस्था बैंकले गरेको छ।

प्रकाशित मिति: शुक्रबार, मंसिर १६, २०७९ २२:१९

प्रतिक्रिया दिनुहोस्