प्रदेश १ मा उद्योगको क्षमता घढ्दो, ६ प्रतिशतले गुमाए रोजगारी

उद्योग

गृहपृष्ठ
उद्योग

प्रदेश १ मा उद्योगको क्षमता घढ्दो, ६ प्रतिशतले गुमाए रोजगारी

क्यापिटल नेपालसोमबार, मंसिर १९, २०७९

काठमाडौं। आर्थिक वर्ष २०७८/७९ मा प्रदेश १ मा सञ्चालन रहेका उद्योगको औसत क्षमता उपयोग ५२.६ प्रतिशत छ। अघिल्लो वर्ष उक्त उद्योगको औसत क्षमता उपयोग ५३.४ प्रतिशत थियो। जुन अघिल्लो वर्षको तुलनामा ०.८ प्रतिशत कम हो।

यस वर्ष लत्ता कपडा उत्पादन गर्ने गार्मेन्ड उद्योग, सिन्थेटिक कपडा, फलामे छड तथा पत्ती, चप्पल जस्ता वस्तु उत्पादन गर्ने उद्योगको क्षमता कमी आएको छ। प्रदेश नं. १ का नमूना छनोटमा परेका उद्योगहरुको पछिल्लो पाँच वर्षको औसत क्षमता उपयोग ५७.८ प्रतिशत छ।

उत्पादित वस्तु अनुसार समीक्षा वर्षमा तोरीको तेल उत्पादन गर्ने उद्योगको क्षमता उपयोग सबैभन्दा बढी ९२.० प्रतिशत रहेको छ भने वनस्पती घ्युँ उत्पादन गर्ने उद्योगको क्षमता उपयोग सबैभन्दा कम ५.४ प्रतिशत छ।

अघिल्लो आर्थिक वर्षको तुलनामा समीक्षा वर्षमा यस अध्ययनमा समेटिएका ठूला ४२ उद्योगहरुमा कार्यरत ५.९ प्रतिशत श्रमिकले रोजगारी गुमाएका छन्।

२०७८ असार मसान्तको तुलनामा २०७९ असार मसान्तमा कुल औद्योगिक कर्जा १६.५ प्रतिशतले घटेर १ खर्ब २१ कायम भएको छ। अघिल्लो आर्थिक वर्षको सोही अवधिमा उक्त कर्जा ११.५ प्रतिशतले बढेको थियो। विशेष गरी निर्माण, खानी र विद्युत ग्यास तथा पानी उत्पादन गर्ने उद्योगमा प्रवाह भएको कर्जा घटेकाले समग्र औद्योगिक कर्जा घटेको देखिन्छ।

त्यसैगरी २०७९ असार मसान्तसम्म यस प्रदेशका बैंक तथा वित्तीय संस्थाबाट प्रवाहित कुल कर्जामध्ये औद्योगिक क्षेत्रमा प्रवाहित कर्जाको अंश २२.३ प्रतिशत छ।

प्रकाशित मिति: सोमबार, मंसिर १९, २०७९ १७:५१

प्रतिक्रिया दिनुहोस्