झन्डै डेढ खर्बले सरकारी खाता घाटा

अर्थतन्त्र

गृहपृष्ठ
अर्थतन्त्र

झन्डै डेढ खर्बले सरकारी खाता घाटा

क्यापिटल नेपालआइतबार, माघ २९, २०७९

काठमाडौं। नेपाल सरकारको सञ्चित कोष १ खर्ब ३९ अर्ब ४१ करोडले ऋणात्मक देखिएको छ। उपप्रधान तथा अर्थमन्त्री विष्णु पौडेलले चालू आर्थिक वर्षको बजेटको मध्यावधी समीक्षा गर्दै सरकारको सञ्चित कोष घाटा(ऋणात्मक) रहेको जानकारी दिएका हुन्।

सरकारी सञ्चित कोष ऋणात्मक हुँदा सरकारलाई तत्काल गर्नुपर्ने कतिपय खर्चहरु गर्न गाह्रो हुन्छ। पैसा उठाएर मात्रै खर्च गर्नुपर्ने हुन्छ। यस्तो बेला सरकारले राष्ट्र बैंकसँग ऋण सुविधा प्रयोग गरेर खर्च चलाउनुपर्छ।

गत असारमा ६६ अर्ब २ करोडले मात्रै ऋणात्मक रहेको सञ्चित कोष पछिल्लो ६ महिनामा मात्रै दोब्बरभन्दा बढीले बढेको हो। सरकारले अपेक्षा गरेको राजस्व नउठेको तर,खर्च लक्ष्य अनुरुप हुँदा सरकारी कोष ऋणात्मक हुन पुगेको हो।

पुससम्म सरकारले ५ खर्ब ७६ अर्ब ३४ करोड रुपैयाँ खर्च गरेको छ भने ४ खर्ब ९० अर्ब ४ करोड रुपैयाँ मात्रै राजस्व संकलन गरेको छ। चालू वर्षको ६ महिनामा ६ खर्ब ५१ अर्ब ६२ करोड राजस्व उठाउने लक्ष्य लिएकोमा लक्ष्यभन्दा २४.८ प्रतिशतले कम राजस्व उठेको छ।

प्रकाशित मिति: आइतबार, माघ २९, २०७९ १६:२१

प्रतिक्रिया दिनुहोस्