होटल संघ, होमस्टे पछि टानले पनि भ्रमण बर्षमा १५ प्रतिशत छुट दिने

मुख्य समाचार

गृहपृष्ठ
मुख्य समाचार

होटल संघ, होमस्टे पछि टानले पनि भ्रमण बर्षमा १५ प्रतिशत छुट दिने

क्यापिटल नेपाल मंगलबार, कात्तिक १९, २०७६

काठमाडौं । भ्रमण बर्ष २०२० मा नेपाल भ्रममणमा आउने पर्यटकलाई ट्रेकिङ एजेन्सिज एसोसिएसन अफ नेपाल (टान)ले १५ प्रतिशत छुट दिने भएको छ । टानका अध्यक्ष खुम सुवेदीले सम्पूर्ण सदस्यहरुलाई १५ प्रतिशत छुट दिन अनुरोध सहितको निर्णय भएको जानकारी दिए । हाल टानले नेपालमा बार्षिक रुपमा करिब ४ लाख पर्यटकहरुलाई ट्रेकिङ गराउदै आएका छन् ।

पर्यटनको प्रमुख आधारको रुपमा ट्रेकिङ क्षेत्र रहेकोले यस्को विकास र प्रचारमा सरकारलाई उचित ध्यान दिन सुझाव दिएका छन् । पछिल्लो समय विभिन्न तहमा दोहोरो कर उठाएकै कारण पर्यटन व्यवसायीहरु समस्यामा परेकोले त्यस तर्फपनि सरकारको ध्यानाकर्षण गराएका छन् । यस्तै नेपालमा आउने पर्यटकहरुले जहाज नपाउने, भाडादर महंगो भएको र ट्राफिक व्यवस्थापन चुस्त नभएको गुनासो पर्यटकहरुबाट आउने गरेको अध्यक्ष सुवेदीको भनाइ छ । सरकारले पर्यटक मैत्री वातावरण बनाएमा २० लाख पर्यटक आउन कुनै समस्या नभएको उनको दावी छ ।

केहि समय अघि मात्र होटल एसोसियन अफ नेपाल(हान) ले जनवरी महिनादेखि डिसेम्बर महिनासम्म होटेलका रुपमा ३० प्रतिशत र खानामा १५ प्रतिशत छुट दिने निर्णय गरेको हो ।हानमा पर्यटकस्तरदेखि पाँचतारेसम्म गरी करीब दुई हजार होटल आबद्ध छन । हानको हाल १५ च्याप्टर छन् । यस्तै होमस्टे एशोसिएसनले पनि भ्रमण वर्षमा आउने विदेशी पर्यटकलाई सेवामा २० प्रतिशतसम्म छुट दिने भएको छ । होम स्टे ५७ जिल्लामा ६ सय भन्दाबढी सञ्चालनमा छ ।

प्रकाशित मिति: मंगलबार, कात्तिक १९, २०७६ १५:००

प्रतिक्रिया दिनुहोस्