वैदेशिक रोजगारीमा जाने व्यक्तिलाई दिइने दु:ख र झन्झट स्विकार्य छैन : प्रधानमन्त्री दाहाल

रोजगार

गृहपृष्ठ
रोजगार

वैदेशिक रोजगारीमा जाने व्यक्तिलाई दिइने दु:ख र झन्झट स्विकार्य छैन : प्रधानमन्त्री दाहाल

क्यापिटल नेपाल बुधबार, चैत ८, २०७९

काठमाडौं। प्रधानमन्त्री तथा नेकपा माओवादी केन्द्रका अध्यक्ष पुष्पकमल दाहाल प्रचण्डले वैदेशिक रोजगारीमा जाने व्यक्तिलाई दिइने दुःख र झन्झट स्विकार्य नभएको बताएका छन्।

बुधबार काठमाडौंमा आयोजित वैदेशिक रोजगारमा रहेका श्रमिक र विदेशी स्वरोजगारमा रहेका व्यक्तिको सामाजिक सुरक्षा योजनाको उद्घाटन कार्यक्रममा बोल्दै उनले यस्तो बताएका हुन्।

रोजगारीका लागि विदेश जाने व्यक्तिलाई दुःख दिने वा असर पुर्याउने कुनै पनि काम स्विकार छैन, प्रधानमन्त्री दाहालले भने, 'अब विदेशिने व्यक्तिले पाउने र भोग्ने दुःख र झन्झटको अन्त्य हुनेछ।' उनले देशको अर्थतन्त्रको मेरुदण्डको रुपमा रहेको वैदेशिक रोजगारीमा गएका व्यक्तिले दुख नपाउने व्यवस्था गर्न निर्देशन दिए।

अहिले परिस्थिति बस बिदेसिनुपरे पनि विदेशमा रहेका सबै व्यक्ति प्रतिमाया र सद्भाव रहेको उनले स्पष्ट पारे। रोजगारीका लागि बिदेसिनुपर्ने बाध्यात्मक अवस्था अन्त्य गर्न पहल गरिरहेको र त्यो नै आफूहरूको मुख्यो योजना रहेको उनले बताए।

यो योजनाले सबैको भविस्य सुरक्षित गरेकोले यसमा सहभागी हुन उनले आग्रह गरे। यो योजनालाई सहयोग गर्न निजी क्षेत्र तथा सम्पूर्ण सरकारी गैरसरकारी संस्थाको सहयोग जरुरी भएको उनको भनाइ छ।

प्रकाशित मिति: बुधबार, चैत ८, २०७९ १२:५२

प्रतिक्रिया दिनुहोस्