कांग्रेस अर्थमन्त्री महतलाई समेत पत्याएन सेयर बजारले

सेयर

गृहपृष्ठ
सेयर

कांग्रेस अर्थमन्त्री महतलाई समेत पत्याएन सेयर बजारले

क्यापिटल नेपाल आइतबार, चैत १९, २०७९

काठमाडौं। साताको कारोबारको पहिलो दिन आइतबार नेप्से सूचक २० अंकले घटेको छ। नेपाल स्टक एक्सचेञ्जका अनुसार आइतबार नेप्से सूचक २० अंकले घट्दै १८ सय ८८.५५ अंकको बिन्दुमा झरेको छ।

नयाँ अर्थमन्त्री आएसँगै सेयर बजारले कोल्टे फेर्ने अपेक्षा गरिए पनि त्यसो हुन सकेन। शुक्रबार मात्र अर्थमन्त्रीमा डा.प्रकाशशरण महत नियुक्त भएका थिए। तर, नयाँ अर्थमन्त्री आएको पहिलो कारोबार दिन नै नेप्सेमा २० अंकको गिरावट आएको छ।

आइतबार ‘क’ वर्गको सेन्सेटिभ इन्डेक्स समेत ३.७२ अंकले घट्दै ३५५.७५ अंकमा झरेको छ। २० अंकले घटेको बजारमा आज १ अर्ब २० करोड ७१ लाख रुपैयाँ बराबरको ३७ लाख ८७ हजार कित्ता सेयर कारोबार भएको छ।

त्यस्तै आइतबार १३ वटा उपसूचक ऋणात्मक हुन पुगेका छन्। तर, कालिन्चोक दर्शन लिमिटेडको सेयर मूल्यमा ९.९६ प्रतिशतले वृद्धि हुँदैगर्दा यता स्वाभिमान लघुवित्त वित्तीय संस्थाको सेयर मूल्यमा ९.६१ प्रतिशतको गिरावट भएको छ।

प्रकाशित मिति: आइतबार, चैत १९, २०७९ १५:३६

प्रतिक्रिया दिनुहोस्