सेयरबजारमा १६.६७ अंकको गिरावट, कारोबार रकम पनि घट्यो

सेयर

क्यापिटल नेपालसोमबार, चैत २०, २०७९

काठमाडौं। साताको कारोबारको दोस्रो दिन पनि नेपाल स्टक एक्सचेञ्ज (नेप्से)मा उच्च अंकको गिरावट आएको छ।

सोमबार नेप्से १६.६७ अंकले घटेर १ हजार ८ सय ७१ दशमलव ८८ बिन्दुमा कायम भएको छ।

साताको कारोबारको पहिलो दिन आइतबार नेप्से २० अंकले घटेर १ हजार ८ सय ८८ दशमलव ५५ बिन्दुमा बन्द भएको थियो।

सोमबार नेप्सेमा ९२ करोड २ लाख रुपैयाँ बराबरको कारोबार भएको छ भने आइतबार १ अर्ब २० करोड ७१ लाख रुपैयाँ बराबरको कारोबार भएको थियो।

त्यस्तै यो दिन ३३ कम्पनीको सेयरमूल्य बढेको छ भने १७३ कम्पनीकोे सेयरमूल्य घटेको छ। त्यस्तै १० कम्पनीको सेयरमूल्य भने स्थिर रहेको छ।

नेप्सेका अनुसार कालिन्चोक दर्शन लिमिटेडको सेयरमूल्यमा सकारात्मक सर्किट लागेर प्रतिकित्ता २३४.४० रुपैयाँ पुगेको छ।

प्रभु बैंक डिभेन्चर २०८७ का लगानीकर्ताहरुले सर्वाधिक गुमाएका छन्। सोमबार सबैभन्दा बढी नबिल बैंकको ३ करोड ६२ लाख रुपैयाँ भन्दा बढीको कारोबार भएको छ।

प्रकाशित मिति: सोमबार, चैत २०, २०७९ १५:२५

प्रतिक्रिया दिनुहोस्

ताजा समाचार

लोकप्रिय