जग्गाको वर्गीकरण नहुँदै कित्ताकाट खुला

अर्थतन्त्र

गृहपृष्ठ
अर्थतन्त्र

जग्गाको वर्गीकरण नहुँदै कित्ताकाट खुला

क्यापिटल नेपालबुधबार, वैशाख ६, २०८०

काठामडाैं। सरकारले २०७९/२/२३ गते भू-उयोग निति जारी गरेपछि ठप्प रहेको जग्गा कित्ताकाट खुला गर्ने निर्णय गरेको छ।

सरकारले जग्गाको वर्गीकरण प्रक्रिया पूरा गरेपछि मात्र कित्ताकाट गर्ने निति जारी गरेपछि सरकारले वर्गीकरण गरेको नियमअनुसार जग्गाको कित्ताकाट गर्न नसकेपछि कित्ताकाट बन्द भएको थियो।

सरकारले जारी गरेको नितिमा आवासका लागि ४ आना २ दाम, बसोबासका लागि न्युनतम १३० वर्गमिटर, कृषिका लागि ५ सय वर्गमिटर अनिवार्य गरेपछि यो प्रक्रिया पूरा गर्न नसक्दा व्यवसायिहरुले कारोबार गर्न नसकेको र यसको सहजताको लागि भू-उपयोग नियमावली २०७९ लाई संशोधन गर्दै कित्ताकाट खुला गरेको सरकारकी प्रवक्ता सञ्चार तथा सूचना प्रविधिमन्त्री रेखा शर्माले जानकारी दिएइन्।

मंगलबार बसेको मन्त्रीपरिषदको बैठकले भूमि व्यवस्था, सहकारी तथा गरिबी निवारण मन्त्रालयको प्रस्तावमा जग्गा कित्ताकाट खुला गर्ने निर्णय गरेको हो।

भू-उपभोगसम्बन्धी नियमावलीमा गरिएको संशोधनले अंशबण्डा, कित्ताकाट र घरजग्गा कारोबारमा सहजीकरण गर्ने मन्त्री शर्माको भनाइ थियो। यसपटक सरकारले जग्गाको वर्गीकरण टुंगो नलाग्दै कित्ताकाट खुला गर्ने निर्णय गरेको हो। बैठकमा प्रधानमन्त्री दाहालले कित्ताकाट नहुँदा घर जग्गा कारोबार नभएको र अर्थतन्त्र सुस्त भएको बताए।

प्रकाशित मिति: बुधबार, वैशाख ६, २०८० १३:२८

प्रतिक्रिया दिनुहोस्