मौद्रिक र आर्थिक नीतिबीचको तालमेललाई उच्च प्राथमिकतामा राखिनेछ : अर्थमन्त्री महत

अर्थतन्त्र

गृहपृष्ठ
अर्थतन्त्र

मौद्रिक र आर्थिक नीतिबीचको तालमेललाई उच्च प्राथमिकतामा राखिनेछ : अर्थमन्त्री महत

क्यापिटल नेपाल बुधबार, वैशाख २७, २०८०

काठमाडौं। अर्थमन्त्री डा. प्रकाशशरण महतले मौद्रिक नीति र आर्थिक नीतिबीचको तालमेललाई उच्च प्राथमिकतामा राख्ने बताएका छन्।

नेपाल उद्योग वाणिज्य महासंघको आयोजनामा बुधबार भएको ‘पूर्व बजेट अन्तरक्रिया’ कार्यक्रममा अर्थमन्त्री महतले यस्तो बताएका हुन्। ‘मौद्रिक नीति र आर्थिक नीतिबीच तालमेल नहुँदा लगानी गर्ने वातावरणमा असर पुगेको छ भने निजी क्षेत्रको मनोबल खस्केको छ,’ अर्थमन्त्री महतले भने, ‘तर अब मौद्रिक नीति र आर्थिक नीतिबीचको तालमेलाई उच्च प्राथमिकतामा राखिनेछ।’ उनले यो सँगै व्यवसायीको मनोबल पनि उच्च बनाउने बताए।

‘अब नीजि क्षेत्रको मनोबल उच्च बनाउन र लगानीमैत्री वातावरण तयार गर्न आवश्यक कुराहरू मौद्रिक तथा आर्थिक नीतिमा समेटिनेछ,’ अर्थमन्त्री महतले भने, ‘यसको साथमा व्याजदर तथा अन्य समस्याहरूको पनि समाधान गरेर अर्थतन्त्रमा सुधार ल्याइनेछ।’ उनले अर्थतन्त्र सुधार गर्न सरकार प्रतिबद्ध भएको पनि दाबी गरे।