नौ महिनामा ९ खर्ब रेमिट्यान्स

अर्थतन्त्र

गृहपृष्ठ
अर्थतन्त्र

नौ महिनामा ९ खर्ब रेमिट्यान्स

क्यापिटल नेपालबुधबार, वैशाख २७, २०८०

काठमाडौं। चालू आर्थिक वर्ष २०७९/८० को नौ महिनामा ९ खर्बभन्दा बढी परिमाणको विप्रेषण (रेमिट्यान्स) मुलुक भित्रिएको छ।

मुलुकको केन्द्रीय बैंकले बुधबार सार्वजनिक गरेको नौ महिनाको तथ्यांकअनुसार रेमिट्यान्स २४.२ प्रतिशतले बढेर ९ खर्ब ३ अर्ब ३९ करोड पुगेको छ।

अघिल्लो वर्षको सोही अवधिमा रेमिट्यान्स शून्य दशमलव २ प्रतिशतले घटेको थियो। अमेरिकी डलरमा रेमिट्यान्स १३.९ प्रतिशतले वृद्धि भई ६ अर्ब ९२ करोड पुगेको छ। अघिल्लो वर्ष रेमिट्यान्स १.८ प्रतिशतले घटेको थियो।

राष्ट्र बैंकका अनुसार समीक्षा अवधिमा वैदेशिक रोजगारीका लागि अन्तिम श्रम स्वीकृति (संस्थागत तथा व्यक्तिगत–नयाँ) लिने नेपालीको संख्या ५१.५ प्रतिशतले बढेर ३ लाख ८७ हजार ८ सय ३९ पुगेको छ।

त्यसैगरी वैदेशिक रोजगारीका लागि पुनः श्रम स्वीकृति लिने नेपालीको संख्या समीक्षा अवधिमा ५.५ प्रतिशतले वृद्धि भई २ लाख १७ हजार ९ सय ५९ पुगेको छ। अघिल्लो वर्ष सोही अवधिमा भने यस्तो संख्या १९९.९ प्रतिशतले बढेको थियो।

प्रकाशित मिति: बुधबार, वैशाख २७, २०८० १३:१७

प्रतिक्रिया दिनुहोस्