सरकार राजस्व उठाउन असफल भइसक्याे : ओली

अर्थतन्त्र

गृहपृष्ठ
अर्थतन्त्र

सरकार राजस्व उठाउन असफल भइसक्याे : ओली

क्यापिटल नेपाल आइतबार, जेठ ७, २०८०

काठमाडौं। प्रमुख प्रतिपक्ष दल नेकपा (एमाले) का अध्यक्ष एवं पूर्वप्रधानमन्त्री केपी शर्मा ओलीले जनताको सरकारप्रतिको विश्वासमा ह्रास आएको बताएका छन्।

आइतबार सरकारले संघीय संसदमा पेस गरेको आगामी आर्थिक वर्षको नीति तथा कार्यक्रममाथिको छलफलमा भाग लिँदै ओलीले मुलुकको अर्थतन्त्र संकटापन्न अवस्थामा रहेको र सामाजिक तथा सांस्कृतिक क्षेत्रमा अश्वाभाविक गतिविधिहरू बढदा पनि सरकारले सो अनुसारको नीति तथा कार्यक्रम ल्याउन नसकेको बताएका हुन्।

‘सरकारप्रति जनताको अविश्वास वास्तवमा भन्ने हो भने अभूतपूर्व ढंगले ह्रास भएको छ। अविश्वास बढेको छ, अभूतपूर्व ढंगले,’ उनले भने, ‘जनतामा निराशा छ। सामाजिक तथा सांस्कृतिक क्षेत्र अस्वभाविक गतिविधि बढ्दा छन। प्रमुख आर्थिक परिसूचकांकहरूले अर्थतन्त्र संकटापन्न भइसकेको देखाएका छन्। सरकार राजस्व उठाउन असफल भइसकेको छ। राजस्वले चालू खर्च तलब, पेन्सन, सामाजिक सुरक्षा भत्तालगायत अनिवार्य खर्च व्यवस्थापनको दायित्वसम्म पनि गर्न नसक्ने स्थिति सरकार पुगेको छ।’