वान एक्स बेट : अनुमतिबिना अरूको नागरिकता प्रयोग गरी ४२ खाता, ३१ करोड बढीको कारोबार

समाज

गृहपृष्ठ
समाज

वान एक्स बेट : अनुमतिबिना अरूको नागरिकता प्रयोग गरी ४२ खाता, ३१ करोड बढीको कारोबार

क्यापिटल नेपाल बिहीबार, असार २१, २०८०

काठमाडौं। वानएक्स बेटमार्फत अनलाइन जुवा खेलाएको आरोपमा पक्राउ परेका एजेन्ट दिनेश खड्काले मञ्जुरीबिना अन्य केही व्यक्तिको नागरिकता प्रयोग गरेको पाइएको छ। उक्त खेलमार्फत उनले ३१ करोड रूपैयाँभन्दा बढी रकमको कारोबार गरेको पाइएको अनुसन्धानमा खुलेको प्रहरीले जनाएको छ।

गत जेठ ३० गते पक्राउ परेका खड्काले केही व्यक्तिको नागरिकता प्रयोग गरी उनीहरूको मञ्जुरीबिना ४२ वटा खाता खोलेर विद्युतीय माध्यम दुरुपयोग गरी अनाधिकृतरूपमा खातामा ३१ करोड ३२ लाख ६४ हजार दुई सय ५२ रूपैयाँ जम्मा गरेर सो रकम अन्य खातामा पठाएको खुल्न आएको काठमाडौं उपत्यका अपराध अनुसन्धान कार्यालयका प्रवक्ता तथा प्रहरी उपरीक्षक रवीन्द्र रेग्मीले जानकारी दिए।

उनका अनुसार निज अभियुक्तविरुद्ध दुई पीडितले बैंकिङ कसुर तथा सजाय ऐन २०६४ को दफा ३ (क) र (ख), दफा ५ को (क) र (ग) र दफा ६ बमोजिम कसुर गरेको किटानी जाहेरी काठमाडौं उपत्यका अपराध अनुसन्धान कार्यालयमा दिएकामा आवश्यक कारबाहीको लागि टेकुस्थित जिल्ला प्रहरी परिसर पठाइएको छ।

प्रकाशित मिति: बिहीबार, असार २१, २०८० १३:५७

प्रतिक्रिया दिनुहोस्