नेप्से परिसूचक २५.३१ अंकले अढ्यो, ३ अर्ब बढीको कारोबार

सेयर

गृहपृष्ठ
सेयर

नेप्से परिसूचक २५.३१ अंकले अढ्यो, ३ अर्ब बढीको कारोबार

क्यापिटल नेपाल बुधबार, असार २७, २०८०

काठमाडौं। बुधबार धितोपत्र बजारमा सेयर कारोबार मापक नेप्से परिसूचक २५.३१ अंकले बढेको छ।

नेपाल स्टक एक्सचेञ्जका अनुसार बुधबारबार नेप्से परिसूचक २५.३१ अंकले बढेर २ हजार ९७.५५ अंक कायम भएको छ। मंगलबार भने नेप्से परिसूचक ४.७३ अंकले घटेर २ हजार ७२.२४ मा सीमित भएको थियो।

बुधबार ३ अर्ब १८ करोड ७६ लाख रुपैयाँ बराबरको कारोबार भएको नेप्सेले जनाएको छ। मंगलबार भने २ अर्ब ८५ करोड ९४ लाख रुपैयाँबराबरको कारोबार भएको थियो।

बुधबार कारोबार भएका १ सय ८५ कम्पनीको सेयर मूल्य बढेको छ भने ३८ कम्पनीको सेयर मूल्य घटेको छ। त्यस्तै एक कम्पनीको सेयर मूल्य भने स्थिर छ।

बुधबार १० कम्पनीको सेयर मूल्यमा उच्च वृद्धि भएको छ। जसमा शिवश्री हाइड्रोपावर, सिवाइसी नेपाल लघुवित्त वित्तीय संस्था र रिभल फल्स पावरको सेयरमा सकारात्मक सर्किट लागेको छ। अन्य ७ कम्पनीको सेयर मूल्य ९ प्रतिशतभन्दा बढीले बढेको छ।

आज बढी रावा इनर्जी डेभलपमेन्ट लिमिटेडका लगानीकर्ताले सर्वाधिक गुमाएका छन्। यसको सेयर मूल्य आज १० प्रतिशतले घटेको छ। नेप्सेका अनुसार आज सबैभन्दा बढी शिवम् सिमेन्टले कारोबार गरेकाे छ। यस कम्पनीको ३३ करोड ९३ लाख रुपैयाँभन्दा बढीको कारोबार भएको छ।

प्रकाशित मिति: बुधबार, असार २७, २०८० १६:००