साउन २५ देखि ५० प्रतिशत हकप्रद जारी गर्दै सिनर्जी पावर

सेयर

गृहपृष्ठ
सेयर

साउन २५ देखि ५० प्रतिशत हकप्रद जारी गर्दै सिनर्जी पावर

क्यापिटल नेपाल बुधबार, साउन १७, २०८०

काठमाडौं। सिनर्जी पावर डेभलपमेन्ट कम्पनीले हकप्रद सेयर जारी गर्ने भएको छ। कम्पनीले २ः१ को अनुपातमा साउन २५ गतेदेखि हकप्रद जारी गर्न लागेको हो।

हाल कम्पनीको चुक्ता पुँजी ४० करोड ३२ लाख ७ हजार ५ सय रुपैयाँबराबरको ४० लाख ३२ हजार ८० करोड ६५ लाख ७५ हजार रुपैयाँ कायम छ। जसको ५० प्रतिशत अर्थात् ४० करोड ३२ लाख ८७ हजार ५ सय रुपैयाँबराबरको ४० लाख ३२ हजार ८ सय ७५ कित्ता हकप्रद जारी गर्नका लागि कम्पनीले नेपाल धितोपत्र बोर्डबाट अनुमति पाएको हो।

कम्पनीले हाल कायम २ कित्ता सेयर बजार १ कित्ता सेयर १०० रुपैयाँ अंकित मूल्य राखेर हकप्रद निष्कासन गर्नेछ। हकप्रद निष्कासन तथा बाँडफाँटपश्चात कम्पनीको चुक्ता पुँजी १ अर्ब २० करोड ९ लाख ६२ हजार ५०० रुपैयाँ पुग्नेछ।

कम्पनीले हकप्रद सेयर जारी गर्न साउन १२ गते बुकक्लोज गरेको थियो। जसअनुसार साउन ११ गतेसम्म नेप्सेमा कारोबार भई कायम भएका सेयरधनीले मात्रै कम्पनीको हकप्रदमा भदौ १३ गतेसम्म आवेदन दिन सक्नेछन्।

कम्पनीको हकप्रद बिक्री प्रबन्धकमा सानिमा क्यापिटल छ। हकप्रदमा आवेदन दिन इच्छुक योग्य लगानीकर्ताले सानिमा क्यापिटल तथा सानिमा बैंकका तोकिएका शाखा कार्यालयबाट आवेदन दिन सक्नेछन्। साथै, बोर्डबाट अनुमति लिई सि–आस्वा सेवामा सहभागी बैंक तथा वित्तीय संस्थाबाट र मेरो सेयरबाट पनि आवेदन दिन सक्नेछन्।

प्रकाशित मिति: बुधबार, साउन १७, २०८० ११:०६

प्रतिक्रिया दिनुहोस्