थप पाँच ब्रोकर कम्पनीले पाए लाइसेन्स, पुगे ८७

सेयर

गृहपृष्ठ
सेयर

थप पाँच ब्रोकर कम्पनीले पाए लाइसेन्स, पुगे ८७

क्यापिटल नेपाल शुक्रबार, भदौ १, २०८०

काठमाडौं। नेपाल धितोपत्र बोर्ड (सेबोन) ले थप पाँच कम्पनीलाई धितोपत्र दलाल व्यवसायी (सेयर ब्रोकर) लाइसेन्स दिएको छ। सेबोनका बिहीबार बसेको सञ्चालक समिति बैठकले पाइपलाइनमा रहेका ११ कम्पनीमध्ये पाँचलाई लाइसेन्स दिने निर्णय गरेको हो।

सेबोनले सजिलो ब्रोकर, बेनी सेक्युरिटिज, सनी सेक्युरिटिज, हिमालयन सेक्युरिटिज र रोडसो सेक्युरिटिजलाई धितोपत्र दलाल व्यवसायीको कारोबार गर्न अनुमति दिएको हो। यी कम्पनीमध्ये हिमालयन र सनीले पूर्णकार्य गर्न तथा सजिलो, रोडसो र बेनी सेक्युरिटिजले सीमित कार्य गर्न लाइसेन्स पाएका हुन्।

बोर्डले धितोपत्र दलाल व्यवसाय गर्न इच्छुक कम्पनीलाई लाइसेन्स आवेदन माग गरेका ४३ कम्पनीलाई पूर्वस्वीकृति दिएको थियो। जसमध्ये ३७ कम्पनीलाई लाइसेन्स दिइसकेको छ। बाँकी ६ कम्पनीले अर्को सातासम्म लाइसेन्स दिने तयारी बोर्डको छ।

बोर्डबाट अनुमति लिएर पुराना ५० सहित कुन ब्रोकर कम्पनी संख्या ८७ पुगेको छ। नयाँ र पुराना गरी ७७ कम्पनीले सेयर ब्रोकर कारोबार गरिरहेका छन् भने बोर्डबाट लाइसेन्स लिएर कारोबार सञ्चालन तयारीमा १० नयाँ कम्पनी छन्।

प्रकाशित मिति: शुक्रबार, भदौ १, २०८० ११:२१

प्रतिक्रिया दिनुहोस्