भारतले प्याज निर्यातमा ४० प्रतिशत कर लगायो, नेपालमा महँगो हुँदै

कर्पोरेट बजार

गृहपृष्ठ
कर्पोरेट बजार

भारतले प्याज निर्यातमा ४० प्रतिशत कर लगायो, नेपालमा महँगो हुँदै

क्यापिटल नेपालआइतबार, भदौ ३, २०८०

काठमाडौ। छिमेकी मुलुक भारतले प्याज निर्यातमा ४० प्रतिशत कर लगाएको छ। सेन्ट्रल बोर्ड अफ इनडाइरेक्ट ट्याक्स एन्ड कस्टमले शनिबार प्याज निर्यातमा ४० प्रतिशत भन्सार शुल्क लगाएको हो।

यो कर शुल्क २१ डिसेम्बर २०२३ सम्म लागू हुने बताइएको छ। भारतमा गत महिनामात्रै प्याजको मूल्य २० प्रतिशतले बढेको थियो।

भारतमा प्याज किलाेको २४ भारु परिरहेको छ। भारतमा अगस्ट महिनामा विगत एक दशक यताकै सुख्खायाम लागेकोले पनि उत्पादनमा कटौती भइरहेको छ। मूल्य वृद्धिबाट आफ्ना जनतालाई राहत दिन भारतीय सरकारले यस्तो निर्णय गरेको जनाइएको छ।

नेपालमा भारतबाट वार्षिक ६ अर्ब ७५ करोड रुपैयाँबराबरको ताजा प्याज आयात हुन्छ भने ७ करोड रुपैयाँको सुकाएको प्याज आयात हुन्छ। भारतले निर्यात कर बढाएपछि नेपालमा प्याजको भाउ आकासिने भएको छ।

प्रकाशित मिति: आइतबार, भदौ ३, २०८० १३:१२

प्रतिक्रिया दिनुहोस्