काला पत्थरमा फेशन शो गर्दै कासा नेपाल

मुख्य समाचार

गृहपृष्ठ
मुख्य समाचार

काला पत्थरमा फेशन शो गर्दै कासा नेपाल

क्यापिटल नेपाल आइतबार, मंसिर २२, २०७६

काठमाडौं । कासा नेपालले विश्वकै सर्वोच्च शिखर सगरमाथाको आधार शिविरमा फेसन शो गर्ने भएको छ । उक्त सस्थाले २५ जनावरी २०२० मा सगरमाथा आधार शिविरमा ‘द माउण्ट एभरेष्ट फेसन रनवे’ आयोजना गर्न लागेको हो । कालापत्थरमा आयोजना हुने यो कार्यक्रम विश्वकै उच्च स्थानमा हुन लागेको फेसन सम्बन्धि कार्यक्रम हो ।

फेसन डिजाइनर रमिला नेम्कुलले गरेको जैविक विविधता र प्राकृतिक महत्वका फेसनको अनुसन्धानका आधारमा यो फेसन रेनवे आयोजना गर्न लागिएको कासा नेपालले बताएको छ ।

उक्त फेसन सोमा नेपाली मौलिक फाइबरले बुनेको कपडा र पत्थरका गहना प्रदर्शनका लागि राखिने कासा नेपालले बताएको छ । फेसन डिजाइनर नेम्कुलद्वारा गरिने शोमा नेपालमा वाताबरण मैत्री बस्त्र निर्माण गर्ने उल्लेख छ । कासालाई धेरैओटा अन्तराष्ट्रिय संस्थाहरु, ‘अरुविल्ल’, ‘लिभिङ स्टोन फाउन्डेसन इन्टरनेश्नल’ र ‘आई आई टी’ को सहयोग छ ।

उक्त विश्व किर्तिमानी फेसन रनवेमा १५ जना अन्तराष्ट्रिय मोडलको साथमा ५ नेपाली मोडलहरुले भाग लिनेछन् । उक्त फेसन शोका लागि कासाले वातावरण मैत्री डिजाइनका कपडाहरु, स्याम्पुु, डिटर्जेन्ट प्रयोग गर्ने र त्यसले हिमालमा प्रदुशण नथप्ने सुनिश्चित गराएको छ ।

प्रकाशित मिति: आइतबार, मंसिर २२, २०७६ ११:३६

प्रतिक्रिया दिनुहोस्