प्रविधि

एनसेल किनेका सतिशलाल भन्छन्- `इनाेभेसन, लगानी र ग्राहक सेवामा प्रतिबद्ध छाैं´

क्यापिटल नेपालशुक्रबार, मंसिर १५, २०८०

काठमाडौं। स्पेक्ट्रलाइट युके लिमिटेड र आजियाटा युके लिमिटेडबीच एनसेलको सेयर कारोबारका लागि सम्झौता भएको छ।

यो सम्झौताबमोजिम स्पेक्ट्रलाइट युकेले आजियाटाको सेन्टस् किट्स एन्ड नेभिसमा रहेको रेनोल्डस् होल्डिङ लिमिटेडको सतप्रतिशत स्वामित्व लिनेछ।

एनसेलको ८० प्रतिशत स्वामित्व रेनोल्डस् होल्डिङसँग रहेको छ। स्पेक्ट्रलाइट एनसेलका सेवाहरूको दायरा विस्तार गर्दै गुणस्तर अभिवृद्धि गर्न र डिजिटल आविष्कारहरूका साथ एनसेललाई अगाडि बढाउन प्रतिबद्ध रहेको जनाइएको छ।

स्पेक्ट्रलाइट युकेका लगानीकर्ता सतिशलाल आचार्य हुन्। उनी सिंगापुरमा रहेका नेपाली मूलका व्यवसायी हुन्।

`एनसेलको सेयर होल्डिङका लागि यो सम्झौताको घोषणा गर्न पाएकोमा स्पेक्ट्रलाइट निकै खुसी छ,´ आचार्यले भने, `दूरसञ्चार क्षेत्रको मेरो वृहत अनुभवका साथ एनसेलको व्यवस्थापनसँगको सहकार्यमा इनोभेसन र लगानीसँगै नेपालमा रहेका करोडौ ग्राहकलाई विभिन्न परिस्कृत सेवा प्रदान गर्न हामी प्रतिबद्ध छौं।´

एनसेलका प्रमुख कार्यकारी अधिकृत तथा प्रबन्ध निर्देशक जाब्बोर कायुमोभले एनसेलको स्वामित्वमा आगामी दिनमा हुने परिवर्तनदेखि खुसी लागेकाे र नयाँ लागानीकर्तासँग काम गरी एनसेललाई डेटा र सञ्चार पूर्वाधारको एक नेपाली कम्पनीका रूपमा अघि बढाउन तत्पर रहेको बताए।

याे पनि पढ्नुहाेस्

एनसेलको ८० प्रतिशत सेयर बेलायतको स्पेक्ट्रलाइटले किन्यो

आगामी दिनमा कम्पनीको परिष्कृत योजना घोषणा गर्दै सेवाहरूको दायरा फराकिलो बनाइने छ जसले यो कम्पनीलाई एक प्रमुख डिजिटल सेवा प्रदायक तथा डेटा सेवा प्लेटफर्म बनाउने छ,´ उनले भने।

प्रकाशित मिति: शुक्रबार, मंसिर १५, २०८० २१:५०

प्रतिक्रिया दिनुहोस्