‘कोक बड्डी’ एपमार्फत बजार विस्तारमा आक्रामक बन्दै बोटलर्स नेपाल

कर्पोरेट बजार

गृहपृष्ठ
कर्पोरेट बजार

‘कोक बड्डी’ एपमार्फत बजार विस्तारमा आक्रामक बन्दै बोटलर्स नेपाल

क्यापिटल नेपाल आइतबार, मंसिर १७, २०८०

काठमाडौं। बोटलर्स नेपालले कोक बड्डी एपमार्फत आफ्ना उत्पादन बिक्री गर्ने भएको छ। विश्वभर एपमार्फत कोकाकोला बिक्री गर्दै आएकोमा अबदेखि नेपालमा पनि एप्लिकेसनमार्फत कोकाकोलालगायत उत्पादन बिक्री गर्ने भएको हो।

बोटलर्स नेपालले डिलरका लागि उक्त सुविधा ल्याउन लागेको हो। एपमार्फत जतिसुकै परिमाण कोकाकोला अर्डर गर्न सकिन्छ। कोकाकोलाको बजार निरन्तर ओरालो लागिरहेका बेला आफ्ना हिस्सा बढाउन एप्लिकेसनमार्फत बजारमा आउन लागेको हो।

अहिलेसम्म डिलरले आफूसँग कोकाकोलाका उत्पान नभएको अवस्थामा अन्य प्रडक्टहरु बेचिरहेका थिए। अब ग्राहकले कोकाकोला नै पिउन चाहे र डिलरसँग छैन भने तत्काल अडर सकिने भएको हो।

नेपालमा विभिन्न किसिमको पेयपदार्थ बिक्री गर्दै आएको कोकाकोलाले अनलाइनबाटै कोक मगाउन मिल्ने एप सार्वजनिक गर्न लागेको हो।

यो एप सार्वजनिक भएसँगै अब रिटेलरहरुले आफ्नो पसलमा कोक सकिएको जानकारी अनलाइबाटै गराएर मगाउन सक्छन्। हालसम्म कम्पनीले विभिन्न पसलमा आवश्यक परेको नपरेको सोधेर बिक्री गरेकोमा अब माग भएका ठाउँमा मात्रै लग्न सकिनेछ।

यसले रिटेलरलाई आवश्यक परेको समयमा र आवश्यक मात्रामा सामाग्री मगाउन मद्दत गर्नेछ। कोकाकोलाले यहि साता ‘कोक बडी’ लन्च गर्दैछ। कम्पनीले नेपालको डिजिटल रुपान्तरणलाई बढावा दिइरहेको बताउँदै यसलाई एक माइलस्टोन मानेको छ।

प्रकाशित मिति: आइतबार, मंसिर १७, २०८० १३:५४

प्रतिक्रिया दिनुहोस्