सुनको भाउ एकै दिन २४ सय रुपैयाँ घट्यो

कर्पोरेट बजार

गृहपृष्ठ
कर्पोरेट बजार

सुनको भाउ एकै दिन २४ सय रुपैयाँ घट्यो

क्यापिटल नेपाल मंगलबार, मंसिर १९, २०८०

काठमाडौं। नेपाली बजारमा मंगलबार एकै दिन सुनचाँदीको भाउमा भारी गिरावट भएको छ। आज सुन प्रतितोला २ हजार ४ सय र चाँदी ४५ रुपैयाँले घटेको हो।

लगातार दिन प्रतिदिन नयाँ मूल्य रेकर्ड गर्दै आएको सुनको मूल्य मंगलबार एकै दिन २ हजार ४ सय रुपैयाँ घटेको नेपाल सुनचाँदी व्यवसायी महासंघले जनाएको छ।

मूल्य घटेपछि आज छापावाल सुन तोलाको १ लाख १९ हजार २ सय रुपैयाँ निर्धारण भएको छ। हिजो तोलाको १ लाख २१ हजार ६ सय रुपैयाँ थियो। त्यस्तै मूल्य घटेर तेजाबी सुन तोलाको १ लाख १८ हजार ६ सय ५० थियो।

उता, सामान्य घटबढ भइरहेको चाँदी आज एकै दिन तोलामा ४५ रुपैयाँले घटेको छ। महासंघका अनुसार मूल्य घटेपछि चाँदी किनबेच १ हजार ५ सय रुपैयाँमा भएको छ। हिजो चाँदीको मूल्य तोलाको १ हजार ५ सय ४५ थियो।

प्रकाशित मिति: मंगलबार, मंसिर १९, २०८० ११:५६

प्रतिक्रिया दिनुहोस्