त्रिभुवन अन्तर्राष्ट्रिय विमानस्थलबाट १४ किलाे अबैध सुन बरामद

समाज

गृहपृष्ठ
समाज

त्रिभुवन अन्तर्राष्ट्रिय विमानस्थलबाट १४ किलाे अबैध सुन बरामद

क्यापिटल नेपाल शुक्रबार, मंसिर २२, २०८०

काठमाडौं। त्रिभुवन अन्तर्राष्ट्रिय विमानस्थलमा १४ किलो अवैध सुन बरामद भएको छ। भन्सार कार्यालयले त्रिभुवन विमानस्थलबाट बिहीबार राति १४ किलो सुनसहित एकजनालाई पक्राउ गरेको छ।

त्रिभुवन विमानस्थल सुरक्षा कार्यालयका अनुसार अबैध सुनसहित ४५ वर्षीय चन्द्र घले पक्राउ परेका हुन्।बिहीबार राति ११ः५६ बजे फ्लाइ दुबईको उडान नम्बर एफजेट ५७३ बाट आएका घलेको साथबाट १४ किलो सुन बरामद गरिएको हो। उनले सुनको प्लेट बनाएर शरीरमा राखेर सुन ल्याएका थिए।

भन्सार विभागका महानिर्देशक शोभाकान्त पौडेलका अनुसार घलेबाट बरामद सुन जोखेर गुणस्तर परीक्षण गरिने छ। घलेको कल डिटेलका आधारमा उनको सम्पर्कमा रहेका व्यक्तिहरूमाथि निगरानी भइरहेको छ।

प्रकाशित मिति: शुक्रबार, मंसिर २२, २०८० ०८:०१

प्रतिक्रिया दिनुहोस्