आकासे पुल निर्माण अनिश्चित

पूर्वाधार

गृहपृष्ठ
पूर्वाधार

आकासे पुल निर्माण अनिश्चित

क्यापिटल नेपाल आइतबार, मंसिर २४, २०८०

जानकी (बाँके)। बाँकेको नेपालगन्ज-कोहलपुर रत्न राजमार्गका पाँच ठाउँमा आकासे पुल निर्माण ठेक्का सम्झौता भएको छ। तर, सडक विभागले निर्माणादेश नदिएका कारण सम्झौताअनुरूप आकासे पुल निर्माण तीव्र गतिमा अघि बढ्न सकेको छैन।

निर्माणका लागि सम्झौता भएको १३ महिना बिते पनि निर्माण व्यवसायीले सम्झौताअनुरूप काम गर्न पाएका छैनन्। भौतिक पूर्वाधार तथा यातायात मन्त्रालयले डिजाइन स्वीकृत नगर्दा आकासे पुल निर्माण कार्यमा ढिलाइ भएको हो।

सडक डिभिजन कार्यालय नेपालगन्ज प्रमुख नीरज शाक्यले पुलको ‘डिजाइन रिभ्यु’ का लागि विभागको पुल महाशाखामा पठाएको बताए।

‘फाइल पुल महाशाखामा थन्किएको छ। कहिले स्वीकृत हुन्छ यकिन छैन,’ उनले भने, ‘आकासे पुल निर्माणका लागि २०७९ कात्तिकमा चितवनको भरतपुरस्थित डाइनामिक कन्स्ट्रक्सन प्रालिसँग सम्झौता भएको थियो।’

प्रमुख शाक्यका अनुसार १५ महिनामामै काम सक्ने सहमति भएको छ। तर, १३ महिना बित्दा पनि सम्झौता कार्यान्वयन हुनसकेको छैन।

प्रकाशित मिति: आइतबार, मंसिर २४, २०८० १७:३७

प्रतिक्रिया दिनुहोस्