अनलाइन क्यासिनो खेलाउने तीन पक्राउ

समाज

गृहपृष्ठ
समाज

अनलाइन क्यासिनो खेलाउने तीन पक्राउ

क्यापिटल नेपाल बिहीबार, पुस २६, २०८०

काठमाडौं। क्यास एप, मिल्की वेजस्ता एप्लिकेसनमार्फत क्यासिनो गेम खेलाउने तीन जना पक्राउ परेका छन्। काठमाडौं उपत्यका अनुसन्धान कार्यालयका अनुसार क्यास एप, मिल्की वे, उल्ट्रा पन्डालगायत विभिन्न एपमार्फत खेल खेलाउने पक्राउ परेका हुन्।

उनीहरुले यी एपमार्फत खेलमा अनलाइन बाजी राख्दा जितिन्छ भन्ने विश्वास दिलाएर हारजित हुने र आफूले लाभ लिने उद्देश्य राखेर सट्टाबाजी गराई खेल खेलाउने गरेको प्रहरीले जनाएको छ।

त्यसको गोप्य सूचनाको आधारमा कार्यालयबाट खटिएका प्रहरी टोली र पिसिआरसिबी ललितपुरको संयुक्त टोलीले बुधबार अनलाइन क्यासिनो खेलाउन प्रयोग भएका ल्यापटप तथा मोबाइलसहित उपत्यकाका विभिन्न स्थानबाट पक्राउ गरी आवश्यक कारबाहीका लागि प्रहरी परिसर टेकु पठाइएको छ।

पक्राउ पर्नेमा ताप्लेजुङ घर भई काठमाडौंको कोटेश्वर बस्ने २५ वर्षीय पुजन साँवा, सर्लाही घर भई हाल भक्तपुर बस्ने २१ वर्षीय निशानराज कार्की र सर्लाही घर भई हाल भक्तपुर बस्ने २५ वर्षीय निशान गौतम रहेका छन्।

प्रकाशित मिति: बिहीबार, पुस २६, २०८० १०:३७

प्रतिक्रिया दिनुहोस्