निलम्बित सचिव मरासिनी साधारण तारेखमा रिहा

समाज

गृहपृष्ठ
समाज

निलम्बित सचिव मरासिनी साधारण तारेखमा रिहा

क्यापिटल नेपाल सोमबार, माघ २९, २०८०

काठमाडौं। भ्रष्टाचार आरोपमा निलम्बित सरकारका सचिव मधुकुमार मरासिनी साधारण तारेखमा रिहा भएका भएका छन्।

विशेष अदालतका न्यायाधीशत्रय रामबहादुर थापा, रितेन्द्र थापा र डा. खुसीप्रसाद थारुको इजलासले राष्ट्रिय भुक्तानी प्रणाली (नेसनल पेमेन्ट गेट–वे)को भ्रष्टाचार मुद्दामा थुनामा रहेका सचिव मरासिनीलाई साधारण तारेखमा रिहाइ आदेश दिएको हो। मरासिनी आइतबार विशेष अदालतमा हाजिर उपस्थित थिए।

राष्ट्रिय सूचना प्रविधि केन्द्रको माग नभएको र सरकारी बजेट नपरेको विषयमा अर्थ मन्त्रालयका तत्कालीन बजेट महाशाखा प्रमुख मधु मरासिनीलाइ बजेट प्रणालीमा कार्यक्रम घुसाएर रकम भुक्तानी गरेको भनी उनीलगायतविरुद्ध गत १५ असोजमा भ्रष्टाचार मुद्दा दायर भएको थियो।

अख्तियारले बजेट निकासका लागि लागि मरासिनी यसमा जिम्मेवार रहेको दाबी गर्दै विशेष अदालतमा भ्रष्टाचार मुद्दा दायर गरेको थियो। मातहत र माथिल्लो निकायका अधिकारीको जानकारीबिनै मरासिनीले २५ करोड रुपैयाँ विनियोजन गरेको दाबी अख्तियारको थियो।

प्रकाशित मिति: सोमबार, माघ २९, २०८० ११:३९

प्रतिक्रिया दिनुहोस्