जर्मन ब्रान्ड हेटिचको नयाँ अत्याधुनिक एप्लिकेसन सेन्टर नेपालमा

कर्पोरेट बजार

गृहपृष्ठ
कर्पोरेट बजार

जर्मन ब्रान्ड हेटिचको नयाँ अत्याधुनिक एप्लिकेसन सेन्टर नेपालमा

क्यापिटल नेपालबुधबार, फागुन २, २०८०

काठमाडौं। फर्निचर फिटिंग्स कम्पनी हेटिचले आधिकारिक रुपमा नेपालमा नयाँ एप्लिकेसन सेन्टर सञ्चालनमा ल्याएको छ। हेटिचको एप्लिकेसन सेन्टरमा अत्याधुनिक टिच फिटिङ प्रविधिद्वारा आवश्यक्ताअनुसार फर्निचर फिट गर्न सकिनेछ।

हेटिच फिटिङ १३५ वर्ष पुरानो पारिवारिक स्वामित्वको जर्मन जीवनशैलीको ब्रान्ड हो। १.५ बिलियन युरो बढीको विश्वव्यापी कारोबार रहेको फर्निचर फिटिंग्स विश्वको सबैभन्दा ठूलो निर्मातामध्येको एक हो। लगभग ८० देशमा अवस्थित कम्पनीमा ८ हजार बढी कामदार आबद्ध छन्।

हेटिचले अत्याधुनिक उत्पादन क्षमताका कारण घरेलु र अन्तर्राष्ट्रिय बजार दुवैका लागि उच्च स्तरका सामान उत्पादन गर्दै आएको छ। नेपालमा हेटिचले सन् २००८ मा व्यवसाय सञ्चालन थालेको थियो।

हेटिचका उत्पादन पोर्टफोलियोमा अत्याधुनिक जर्मन गुणस्तरबाट निर्मित फर्निचर फिटिंग्स तथा हार्डवेयर भण्डार समावेश रहको कम्पनीले जनाएको छ। तीन हजार स्क्वायर फिट बढीमा फैलिएको एप्लिकेसन सेन्टरले ग्राहकलाई हेटिचको अत्याधुनिक फर्निचर फिटिंग्स तथा हार्डवेयर प्रयोग गरी घर तथा अफिसका स्पेसमा मनमोहक टच–एन्ड फिल सेवा दिनेछ।

हेटिचका लागि नेपाली बजार निरन्तर रूपमा महत्त्वपूर्ण रहेको र यसमा ठूलो सम्भावना देखिएको कम्पनीले बताएको छ। हेटिच फिटिंग्सलाई ग्राहकले नयाँ शैली र रचनात्मक फर्निचर विकल्पको खोजी गर्ने साधनका रुपमा प्रस्तुत गर्ने कम्पनीको दाबी छ।

प्रकाशित मिति: बुधबार, फागुन २, २०८० १२:१८

प्रतिक्रिया दिनुहोस्