माछापुच्छ्रेको भिडियो केवाइसी सेवा, बैंक धाउनुपर्ने बाध्यता हट्यो

कर्पोरेट बजार

गृहपृष्ठ
कर्पोरेट बजार

माछापुच्छ्रेको भिडियो केवाइसी सेवा, बैंक धाउनुपर्ने बाध्यता हट्यो

क्यापिटल नेपाल बुधबार, फागुन ९, २०८०

काठमाडौं। माछापुच्छ्रे बैंकले ग्राहक सुविधालाई लक्षित गर्दै भिडियो केवाइसी सेवा सुरु गरेको छ। सेवा सुरुआतसँगै नयाँ ग्राहकले अनलाइनमार्फत खाता खोलेर भिडियो केवाइसीमार्फत आफ्नो पहिचान गरी खाता सञ्चालन गर्न सक्नेछन्।

भिडियो केवाइसीमार्फत खाता खोल्दा ग्राहक बैंकमा धाउनुपर्ने छैन। यो सेवाबाट देशभित्रै वा विदेश बस्ने नेपाली नागरिकले विश्वको जुनसुकै ठाउँबाट २४सै घन्टा अनलाइनमार्फत बैंकमा खाता खोल्न र भिडियो केवाइसी सेवाको खाता एक्टिभेट गर्न सक्ने बैंकले बताएको छ।

नयाँ खाता खोल्दा आवश्यक पर्ने कागजात प्रमाणित गर्न तथा ग्राहक पहिचान गर्न अनलाइन भिडियोमार्फत गर्न सकिनेछ। हाल बैंकले ग्राहकलाई अनलाइन खाता खोल्ने सुविधा दिइरहेको छ, जसमा भिडियो केवाइसी सेवा उपयोग गरी बैंकसम्म पुग्नुपर्ने झन्झट हटेको छ।

प्रकाशित मिति: बुधबार, फागुन ९, २०८० १७:४६

प्रतिक्रिया दिनुहोस्