मौसमः आंशिक बदली एवं हल्का वर्षाको सम्भावना

समाज

गृहपृष्ठ
समाज

मौसमः आंशिक बदली एवं हल्का वर्षाको सम्भावना

क्यापिटल नेपाल बिहीबार, फागुन १०, २०८०

काठमाडौं। पश्चिमी न्यूनचापीय प्रणालीको प्रभाव रहेकाले देशभर आंशिकदेखि सामान्यतया बदली रहेको जल तथा मौसम विज्ञान विभाग, मौसम पूर्वानुमान महाशाखाले जनाएको छ। बिहीबार दिउँसो देशभर आंशिकदेखि सामान्य बदली रहने महाशाखाको भनाइ छ। कोशी र मधेस प्रदेशलगायत देशको पहाडी भू–भागको केही स्थान स्थानमा मेघगर्जन एवं चट्याङसहित हल्का वर्षाको सम्भावना रहेको छ। देशका उच्च पहाडी तथा हिमाली भेगका केही स्थानमा हल्का हिमपातको सम्भावना रहेको महाशाखाले जनाएको छ।

राति कोशी, मधेस र बागमती प्रदेशलगायत देशका पहाडी भू–भागमा आंशिकदेखि सामान्य बदली रही बाँकी भागमा मौसम सफा रहनेछ। कोशी र गण्डकी प्रदेशका पहाडी क्षेत्रका एक–दुई स्थानमा छिटपुट वर्षाको सम्भावना छ। देशका उच्च पहाडी तथा हिमाली क्षेत्रका केही स्थानमा हल्का हिमपातको सम्भावना रहेको महाशाखाको पूर्वानुमान छ। आज काठमाडौँको अधिकतम तापक्रम २१ दशमलव ५ र न्यूनतम तापक्रम ९ दशमलव ३ डिग्री सेल्सियस रहनेछ।

प्रकाशित मिति: बिहीबार, फागुन १०, २०८० ०७:२१