गाउँपालिकाका पूर्वअध्यक्षसहित ९ जनाविरुद्ध भ्रष्टाचार मुद्दा

समाज

गृहपृष्ठ
समाज

गाउँपालिकाका पूर्वअध्यक्षसहित ९ जनाविरुद्ध भ्रष्टाचार मुद्दा

क्यापिटल नेपाल बिहीबार, चैत १, २०८०

काठमाडौं। अख्तियार दुरुपयोग अनुसन्धान आयोगले हुम्लाको चङ्खेली गाउँपालिकाका तत्कालीन अध्यक्षसहित ९ जनाविरुद्ध विशेष अदालतमा मुद्दा दायर गरेको छ। चङ्खेली–३ ब्याफु खानेपानी मर्मत योजनामा भ्रष्टाचार गरेको अभियोगमा उनीहरुमाथि आयोगले बिहीबार विशेष अदालतमा मुद्दा दायर गरेको हो।

आयोगले तत्कालीन अध्यक्ष बुढाविरुद्ध ५ लाख १५ हजार रुपैयाँ बराबरको बिगो दाबी गरेको छ। त्यस्तै तत्कालीन प्रमुख प्रशासकीय अधिकृत विष्णुबहादुर शाही, इन्जिनियर रुद्रबहादुर वली, लेखापाल धर्मवीर पल्लीमगर र सबइन्जिनियर हर्कधन बुढाविरुद्ध सोही बराबरको बिगो दाबी गरिएको छ। उपभोक्ता समितिका अध्यक्ष कालीबहादुर बुढा, सचिव रतन बुढा र कोषाध्यक्ष वीरकुल्ली बुढाविरुद्ध पनि समान बिगो दाबी गरिएको छ ।

वडा नं ३ का तत्कालीन वडाध्यक्ष शालिग्राम एडीविरुद्ध भने भ्रष्टाचार निवारण ऐनअनुसार कारबाहीको माग गरिएको आयोगका प्रवक्ता नरहरि घिमिरेले जारी गरेको विज्ञप्तिमा उल्लेख छ। त्यस्तै मुगुको सोरु गाउँपालिका–९ मा सिँचाइ कुलो निर्माणका क्रममा भ्रष्टाचार गरेको अभियोगमा तत्कालीन जिल्ला प्राविधिक कार्यालयका इन्जिनियर तथा कार्यालय प्रमुख देवीप्रसाद पाण्डेलगायतविरुद्ध पनि विशेष अदालतमा मुद्दा दायर गरिएको छ।

आयोगले पाण्डेविरुद्ध १४ लाख १७ हजार रुपैयाँ बराबरको बिगो दाबी गरेको छ। यसैगरी जिल्ला प्राविधिक कार्यालय मुगुका तत्कालीन इन्जिनियर महेशसिंह कठायतविरुद्ध १२ लाख ३६ हजार रुपैयाँ र सबइन्जिनियर भीमबहादुर रोकायाविरुद्ध १ लाख ९१ हजार रुपैयाँ बराबरको बिगो दाबी गरिएको आयोगले जनाएको छ।

प्रकाशित मिति: बिहीबार, चैत १, २०८० १४:४४

प्रतिक्रिया दिनुहोस्