महालक्ष्मी विकास बैंकद्वारा हिरा गिरी जेहेनदार छात्रवृत्ति वितरण

कर्पोरेट बजार

गृहपृष्ठ
कर्पोरेट बजार

महालक्ष्मी विकास बैंकद्वारा हिरा गिरी जेहेनदार छात्रवृत्ति वितरण

क्यापिटल नेपालबिहीबार, चैत १, २०८०

काठमाडौं। महालक्ष्मी विकास बैंकले स्व.हिरा गिरी जेहेनदार छात्रवृत्तिस्वरुप वीरगञ्जस्थित कादम्बरी एकेडेमीमा अध्ययनरत छात्र जीवन राजवंशीलाई ५० हजार रुपैयाँ बराबरको छात्रवृत्ति वितरण गरेको छ।

कक्षा १० मा अध्ययनरत राजवंशी पढाइमा तीक्ष्ण भए पनि पारिवारिक आर्थिक स्थिति कमजोर रहेकाले छात्रवृत्तिस्वरुप ५० हजार बराबरको छात्रवृत्ति उपलब्ध गराइएको बैंकले बताएको हो।

विभिन्न सात वटा वित्तीय संस्था मिलेर बनेको महालक्ष्मी विकास बैंकको महत्त्वपूर्ण संस्था महालक्ष्मी फाइनान्सका संस्थापक अध्यक्ष स्व. गिरीको स्मृतिमा स्थापित हिरा गिरी जेहेनदार छात्रवृत्ति बैंक सञ्चालक समिति सदस्य श्यामसुन्दर रुंगटाले आमाको माया छात्रावासका अध्यक्ष भावरलाल पारिकलाई हस्तान्तरण गरेका थिए।

उनले विद्यार्थीहरू देशका कर्णधार भएकाले गुणस्तरीय शिक्षा अपरिहार्य रहेको बताए। उनले छात्रवृत्तिपछि राजवंशीलाई अध्ययन अगाडि बढाउन सहयोग पुग्ने विश्वास व्यक्त गरे।

आमाको माया छात्रावासका अध्यक्ष भावरलाल पारिकले विद्यार्थीलाई प्रदान गरिने यस्ता छात्रवृत्तिले गुणस्तरीय शिक्षालाई सघाउने बताए।

प्रकाशित मिति: बिहीबार, चैत १, २०८० १५:३८

प्रतिक्रिया दिनुहोस्