आइएमई पे एपमार्फत आन्तरिक हवाई टिकट खरिद प्रयोगकर्ता संख्यामा उत्साहजनक वृद्धि

कर्पोरेट बजार

गृहपृष्ठ
कर्पोरेट बजार

आइएमई पे एपमार्फत आन्तरिक हवाई टिकट खरिद प्रयोगकर्ता संख्यामा उत्साहजनक वृद्धि

क्यापिटल नेपालमंगलबार, चैत ६, २०८०

काठमाडौं। डिजिटल वालेट आइएमई पेले सञ्चालनमा ल्याएको रिफन्डेबल फिचरमार्फत आन्तरिक हवाई टिकट खरिदकर्ताको संख्या हजारौं पुगेको छ।

सहज फिचरसँगै प्रयोगकर्ताले कल तथा इमेलमार्फत पाउने ग्राहकमैत्री सेवा र तत्कालै हुने रिफन्डका कारण आइएमई पेले उपलब्ध गराएको सेवामा ग्राहक संख्या बढेको हो।

आइएमई पे एपमार्फत प्रयोगकर्ताले आन्तरिक तथा अन्तर्राष्ट्रिय हवाई टिकट काट्दा आन्तरिक हवाई टिकटमा क्यास ब्याक, रिवार्ड पोइन्ट र टिकट–रिफन्डेबल फिचर पाउन सक्छन्।

आइएमई पेका प्रमुख कार्यकारी अधिकृत प्रवीण रेग्मी आन्तरिक हवाई टिकटमा टिकट रिफन्डेबल फिचर प्रर्द्धन भएको १ वर्षको अवधिमै प्रयोगकर्ताको बढ्दो संख्याले सेवा थप्न कम्पनी उत्साहित भएको बताउँछन्।

आइएमई पेले २० लाख बढी ग्राहकलाई सीधै मोबाइल वालेट एप तथा एजेन्टमार्फत विद्युतीय भुक्तानी सेवा दिँदै आएको छ।

प्रकाशित मिति: मंगलबार, चैत ६, २०८० १२:२६

प्रतिक्रिया दिनुहोस्