एक वर्षमै प्रहरीमा ५९ हजार मुद्दा दर्ता, बैंकिङ कसुरका मात्रै १३ हजार बढी

समाज

गृहपृष्ठ
समाज

एक वर्षमै प्रहरीमा ५९ हजार मुद्दा दर्ता, बैंकिङ कसुरका मात्रै १३ हजार बढी

क्यापिटल नेपालबिहीबार, चैत १५, २०८०

काठमाडौं। एक वर्षको अवधिमा प्रहरीमा ५९ हजार ६१ वटा उजुरी परेका छन्। प्रहरी प्रधान कार्यालयका अनुसार ०७९ चैत १० देखि ०८० फागुन ३० सम्मको विभिन्न समयमा उक्त संख्यामा मुद्दा दर्ता भएका हुन्।

यसअवधिमा बैंकिङ कसुरको मुद्दा मात्रै १३ हजार २ सय ७७ वटा दर्ता भएका छन्। प्रहरी प्रधान कार्यालयले पत्रकार सम्मेलनमार्फत् दिएको जानकारीअनुसार उक्त एक वर्षमा काठमाडौं, भक्तपुर र ललितपुरमा मात्रै १७ हजार ३९७ वटा घटना र जाहेरी दर्ता भएको छ।

प्रहरी प्रवक्ता (डीआईजी) भीम प्रसाद ढकालका अनुसार यस अवधिमा सबैभन्दा थोरै १ हजार ९६५ मुद्दा कर्णाली प्रदेशमा दर्ता भएका छन्।

एक वर्षमा महिला तथा बालबालिका सम्बन्धी २१ हजार १९७ वटा घटना र बलात्कार मुद्दा २ हजार ४६८ वटा प्रहरीमा दर्ता भएको छ। यस्तै, घरेलु हिंसाका निवेदन १६ हजार ७४१ वटा दर्ता हुँदा तीमध्ये ८ हजार ३४९ मुद्दा मिलापत्र भएको छ।

प्रकाशित मिति: बिहीबार, चैत १५, २०८० १७:२२

प्रतिक्रिया दिनुहोस्