चैत २९ गतेदेखि पोखरामा '१९औँ फेवा नववर्ष' महोत्सव

पर्यटन

गृहपृष्ठ
पर्यटन

चैत २९ गतेदेखि पोखरामा '१९औँ फेवा नववर्ष' महोत्सव

क्यापिटल नेपाल बुधबार, चैत २१, २०८०

काठमाडौं। होटल संघ पोखराको आयोजनामा चैत २९ गतेदेखि वैशाख १ गतेसम्म १९औँ फेवा नववर्ष महोत्सव हुने भएको छ। बुधबार काठमाडौंमा पत्रकार सम्मेलन गर्दै उक्त जानकारी दिइएको हो। चैत २९ गतेदेखि आगामी वैशाख १ गतेसम्म फेवातालको किनारस्थित स्थानीय ड्यामसाइड चोकदेखि खहरे चोकसम्मको सडकमा विविध सांस्कृतिक कार्यक्रमसहित महोत्सव आयोजना गर्न लागिएको हो। ‘पर्यटन संस्कृति र खाना’ भन्ने नाराका साथ नेपाली मौलिक संस्कृतिको संरक्षण र परम्परागत नेपाली खानाको प्रवद्र्धन गर्नु मेलाको मुख्य उद्देश्य भएको आयोजकको भनाइ छ।

कोभिड १९ पछि पूर्ववत अवस्थामा सञ्चालन हुन नसकेको होटल तथा पर्यटन व्यवसायलाई पुरानै लयमा फर्काउँदै आन्तरिक एवं बाह्य पर्यटन प्रवद्र्धन गर्ने उद्देश्य महोत्सवले लिएको आयोजकको भनाइ छ। होटल एशोसिएशन नेपालका अध्यक्ष विनायक शाहले पोखरालाई पर्यटकीय राजधानी घोषणा गरिएसँगै विदेशमा पनि राम्रो सन्देश गइरहेको बताए। उनले फेवा महोत्सवले पोखराको झन प्रचार हुने बताए। पोखरालाई पर्यटकीय राजधानी घोषणा गरिएकाले सरकारले सडक व्यवस्थित बनाउने तथा विमानस्थल सञ्चालन गर्न पहल गर्नुपर्ने शाहले बताए।

प्रकाशित मिति: बुधबार, चैत २१, २०८० १५:२०

प्रतिक्रिया दिनुहोस्