८० प्रतिशत विद्यालयमा पुग्यो पाठ्यपुस्तक

समाज

गृहपृष्ठ
समाज

८० प्रतिशत विद्यालयमा पुग्यो पाठ्यपुस्तक

क्यापिटल नेपाल सोमबार, चैत २६, २०८०

काठमाडौ। जनक शिक्षा सामग्री केन्द्रले देशभरका ८० प्रतिशत विद्यालयमा पाठ्यपुस्तक पुगिसकेको जनाएको छ। चैत १३ सम्म कुल एक करोड ७० लाख थान पुस्तक छपाइ गरी हालसम्म ८० प्रतिशत पुस्तक बिक्री गरिसकेको केन्द्रका महाप्रबन्धक अनिलकुमार झाले जानकारी दिए।

उनले सोमबारसम्म ७५ जिल्लामा पुस्तक पुगिसकेको बताए। झाका अनुसार आजदेखि सोलुखुम्बु, बाँके र बर्दियामा पाठ्यपुस्तक वितरण सुरु भएको छ।

कैलालीमा भने मंगलबारदेखि पुस्तक बिक्री सुरु गरिनेछ। चैत २८ सम्म सबै जिल्लामा पाठ्यपुस्तक बिक्री वितरण गर्ने गरी काम भइरहेको उनको भनाइ छ।

स्थानीय तहले विद्यालयलाई पाठ्यपुस्तकको रकम निकासा नगर्दा पाठ्यपुस्तक बिक्रीमा केही ढिलाइ भएको झाले बताए। उनले सोलुखुम्बुका स्थानीय तहलाई पत्राचार गरेको १० दिनपछि आज रकम निकासा भएको उनले जानकारी दिए। दुर्गम जिल्लाका विद्यालयमा पाठ्यपुस्तक वितरणपछि काठमाडौं उपत्यकामा सुरु गरिने झा बताउँछन्।

प्रकाशित मिति: सोमबार, चैत २६, २०८० १९:११

प्रतिक्रिया दिनुहोस्