७० लाख सेयर लगानीकर्ता र हाइड्रो व्यवसायीको हित प्राथमिकता राखेर विद्युत विधेयक अघि बढ्छ : सभापति सिंह

पूर्वाधार

गृहपृष्ठ
पूर्वाधार

७० लाख सेयर लगानीकर्ता र हाइड्रो व्यवसायीको हित प्राथमिकता राखेर विद्युत विधेयक अघि बढ्छ : सभापति सिंह

क्यापिटल नेपाल सोमबार, चैत २६, २०८०

काठमाडौं। पूर्वाधार विकास समितिका सभापति दीपकबहादुर सिंहले ७० लाख सेयर लगानीकर्ता र हाइड्रो व्यवसायीको हित प्राथमिकता राखेर विद्युत् विधेयक आउने बताएका छन्।

सोमबार इप्पानले आयोजना गरेको 'वातावरणीय प्रभाव मूल्यांकन प्रक्रिया,उपादेयता र दीर्घकालीन महत्त्व विषय अन्तरक्रिया कार्यक्रममा उनले विधेयकबारे उक्त धारणा राखेका हुन्।

जलविद्युतमा व्यवसायी मात्रै नभएर ७० लाख सर्वसाधारण लगानीकर्तासमेत रहेको भन्दै लगानीकर्ताको हितमा हुनेगरी अघि बढ्ने उनको भनाइ थियो।

राज्यले उद्योग सञ्चालन गर्ने हाइड्रो व्यवसायीहरुलाई बाधा अवरोधमा अल्मल्याउँदा उद्योगबाट पलायन हुनुपर्ने अवस्था आउनसक्नेतर्फ सचेत रहन उनले आग्रह गरे।

सभापति सिंहले देश बचाउने र बनाउने वर्ग ऊर्जा व्यवसायीहरु भएको भन्दै निर्माण व्यवासायीहरुको जस्तो अवस्था जलविद्युत व्यवसायीले पनि भोग्नु राम्रो संकेत नभएको बताए।

सरकारले ८ देखि १० वटा ठूला हाइड्रो पावरहरु मुलुकमा बनाउनसके लाखौं युवाशक्ति पलायन हुनबाट रोक्न सकिने उनले बताए।

प्रकाशित मिति: सोमबार, चैत २६, २०८० २१:०८

प्रतिक्रिया दिनुहोस्