भ्रमण वर्षको पूर्वसन्ध्यामा पर्यटकको रौनक देखिएन, तारे होटल खाली

पर्यटन

गृहपृष्ठ
पर्यटन

भ्रमण वर्षको पूर्वसन्ध्यामा पर्यटकको रौनक देखिएन, तारे होटल खाली

सुवास योञ्जन बुधबार, पुस ९, २०७६

काठमाडौं । तामझामका साथ मनाउन लागिएको भ्रमण वर्ष २०२० को पूर्वसन्ध्यामा काठमाडौंका होटलहरु खाली भएका छन् । अहिले तारे होटलहरुको अकुपेन्सी दर ५० प्रतिशत भन्दा कम छ ।

भ्रमण वर्ष सुरु हुन अब ६ दिन मात्र बाकी छ । सरकारले २०२० मा २० लाख पर्यटक भित्र्याउने महत्वकाक्षी योजना बनाएको छ । जनवरी १ मा दशरथ रंगशालामा भव्य उद्धघाटन गर्ने तयारी सरकारले गरिरहेको छ ।

तर,भ्रमण वर्षको अवसरमा धेरै पर्यटकहरु नेपाल आउने अपेक्षा लिएका होटल व्यवसायीहरु अहिले समस्यामा परेका हुन् । होटल एसोसिएसन अफ नेपाल(हान) का प्रथम उपाध्यक्ष विनायक शाहले उत्साहजन रुपमा पर्यटकको आगमन नभएको बताए ।

विषेश गरी अंग्रेजी नयाँ वर्ष र क्रिसमसको बेला विदेशीहरु पनि आफ्नै परिवारसँग घरमै बस्ने गरेको कारणले पनि घुम्न आउनेहरुको संख्यामा कमी हुने गरेको उनको भनाई छ ।

काठमाडौं मेरियटका सञ्चालक शशीकान्त अग्रवालले क्रिशमका बेलामा पनि होटलको बुकिङ २७ प्रतिशत मात्र रहेको जानकारी दिए । उनले सरकारले भ्रमण वर्ष घोषणा गरेपनि पर्यटकका लागि दिने छुटको विषयमा टुंगो नलगाउदा समस्या परेको बताए ।

‘सरकारले भ्रमण वर्षको औपचारीकता मात्र पुरा गरेको छ,सञ्चालक अग्रवालले भने तर पर्यटन क्षेत्रमा कुनै उत्साह देखिएको छैन् ’ । अहिले पाँच तारे होटलहरु सोल्टी क्राउन प्लाजाको २४, हायातको १६ प्रतिशत मात्र अकुपेन्सी रहेको छ । यस्तै अन्य होटेलहरुको अवस्था पनि यस्तै रहेको हानले जानकारी दिएको छ ।

प्रकाशित मिति: बुधबार, पुस ९, २०७६ ०९:४१

प्रतिक्रिया दिनुहोस्