घरजग्गा कारोबार कम्पनीमार्फत गर्नुपर्छ : अध्यक्ष लोहनी

समाज

गृहपृष्ठ
समाज

घरजग्गा कारोबार कम्पनीमार्फत गर्नुपर्छ : अध्यक्ष लोहनी

क्यापिटल नेपालआइतबार, वैशाख ३०, २०८१

काठमाडौं। नेपाल घर जग्गा तथा आवासीय विकास महासंघका अध्यक्ष भेषराज लोहनीले घरजग्गा व्यवसायीहरुले व्यक्तिगत कारोबारभन्दा पनि कम्पनीमार्फत गर्न आवश्यक रहेको बताएका छन्।

कास्की घरजग्गा तथा आवासीय विकास संघको वार्षिक साधरण सभामा बोल्दै उनले यस्तो बताएका हुन्। उनले व्यक्तिगत रुपमा घरजग्गाको कारोबार गर्दा घरजग्गा व्यवसायीहरुलाई हेर्ने दृष्टिकोण नकारात्मक बनेको भन्दै संयुक्त कम्पनीमार्फत ठूला आयोजनाहरुमा काम गर्ने वातावरण व्यवसायीहरुले बनाउन आवश्यक देखिएको बताए।

उनले सरकारले व्यवस्थित र पारदर्शी घरजग्गा कारोबार बनाउनका लागि ल्यान्ड पुलिङको ढोका खोल्न आवश्यक रहेको बताए। ७५३ स्थानीय तहमा ल्यान्ड उपभोग नीति लागू भएकाले त्यहीअनुसार स्थानीय तहहरुले पनि सहर बनाउने गुरुयोजना बनाउनुपर्ने बताए।

स्थानीय तहहरुले बनाएको योजनामा निजी क्षेत्रले कम्पनीमार्फत काम गर्दा व्यवस्थित सहर बनाउन सकिने बताए। अब साना व्यवसायीहरु मिलेर कम्पनी बनाउने र कम्पनीहरु पनि मर्ज भएर ठूलो पुँजी भएका कम्पनी बनाएर ठूला आयोजनाहरुमा काम गर्न आवश्यक रहेको उनको भनाइ थियो।

प्रकाशित मिति: आइतबार, वैशाख ३०, २०८१ १२:०१

प्रतिक्रिया दिनुहोस्