ठूला अस्पतालमा २ सिफ्टमा बहिरंग सेवा सञ्चालन गरिने

समाज

गृहपृष्ठ
समाज

ठूला अस्पतालमा २ सिफ्टमा बहिरंग सेवा सञ्चालन गरिने

क्यापिटल नेपालमंगलबार, जेठ १, २०८१

काठमाडौं। सरकारले पर्याप्त र जनशक्ति उपलब्ध भएका अस्पतालहरूमा २ सिफ्टमा बहिरंग सेवा सञ्चालन गर्ने भएको छ। आगामी आर्थिक वर्ष २०८१/८२ को नीति तथा कार्यक्रममार्फत उक्त घोषणा गरिएको हो। राष्ट्रपति रामचन्द्र पौडेलले सरकारको आगामी आर्थिक वर्षको नीति तथा कार्यक्रम सार्वजनिक गर्दै संघीय अस्पताललाई कार्य बोझका आधारमा पुनःसंरचना गरिने उल्लेख गरे।

राष्ट्रपति पौडेलले वीर अस्पताल, राष्ट्रिय ट्रमा सेन्टर, कान्ति बाल अस्पताललगायतका पर्याप्त र जनशक्ति उपलब्ध भएका अस्पतालमा दुई सिफ्टमा बहिरंग सेवा सञ्चारलन गरिने उल्लेख गरे। सरकारले कान्ति बाल अस्पतालमा थप पूर्वाधार निर्माण र स्तरोन्नति गरी सुविधा सम्पन्न बनाइने जनाएको छ।

त्यसैगरी सहिद गंगालाल राष्ट्रिय हृदय केन्द्रलाई हृदयरोगसम्बन्धी विशेषज्ञ उत्पादन गर्न सक्षम संस्थाका रूपमा विकास गरिने पनि सरकारको नीति तथा कार्यक्रममा उल्लेख छ।

राष्ट्रपति पौडेलले संघीय एवं प्रादेशिक अस्पतालमा स्वास्थ्य तथा उपचारसँग सम्बन्धित अभिलेख एवम् सेवा प्रवाहलाई विद्युतीय प्रणालीमा आधारित बनाइने बताए। उनले एकै किसिमको परीक्षण पटकपटक गर्नुनपर्ने र मेडिकल रेकर्ड अद्यावधिक गर्ने गरी स्वास्थ्य संस्थाहरूको विद्युतीय अभिलेख राख्ने व्यवस्था मिलाई त्यस्तो अभिलेखमा एक अर्काको पहुँच हुने व्यवस्था गरिने बताए।

प्रकाशित मिति: मंगलबार, जेठ १, २०८१ १६:५३

प्रतिक्रिया दिनुहोस्