त्रिभुवन अन्तर्राष्ट्रिय विमानस्थलमा गृहमन्त्री लामिछानेको अनुगमन, झन्झटरहित सेवा दिन निर्देशन

पर्यटन

गृहपृष्ठ
पर्यटन

त्रिभुवन अन्तर्राष्ट्रिय विमानस्थलमा गृहमन्त्री लामिछानेको अनुगमन, झन्झटरहित सेवा दिन निर्देशन

क्यापिटल नेपालबिहीबार, जेठ ३, २०८१

काठमाडौं। उपप्रधान एवं गृहमन्त्री रवि लामिछानेले अन्तर्राष्ट्रिय विमानस्थलबाट बाहिरिने तथा नेपाल आउने यात्रुलाई झन्झटरहित सेवा दिन निर्देशन दिएका छन्। बिहीबार हज कमिटीमा जानेहरूको बिदाइ गर्न विमानस्थल पुगेका उपप्रधानमन्त्री एवं गृहमन्त्री लामिछानेले त्रिभुवन अन्तर्राष्ट्रिय विमानस्थलका विभिन्न क्षेत्रको अनुगमन गरेपछि उक्त निर्देशन दिएका हुन्।

मन्त्री लामिछानेले आगमन र प्रस्थान कक्षको सौन्दर्यकरणमा पनि ध्यान दिन निर्देशन दिए। 'यात्रुलाई झन्झटरहित सेवा दिनुहोला, विमानस्थललाई उच्चतम प्रविधिमैत्री बनाउनतर्फ ध्यान दिइनुपर्नेछ,' उनले भने।

मन्त्री लामिछानेले विमानस्थलका प्रस्थान, आगमन कक्ष, बोर्डिङ काउन्टर, अध्यागमन काउन्टर, स्टेपलाइज क्षेत्र, अध्यागमन र प्रहरीका कार्यालय, भन्सार जाँचपास, लगेज व्यवस्थापनलगायत क्षेत्रको अनुगमन गरेका थिए।

मन्त्री लामिछानेले यात्रुले गर्दै आएका गुनासो, सुरक्षा संवेदनशीलता, अध्यागमनलाई थप प्रविधिमैत्री बनाउन गर्नुपर्ने काम तथा अध्यागमनका कर्मचारीको ड्युटी रोष्टर प्रणालीबारे चासो राखेका थिए।

प्रकाशित मिति: बिहीबार, जेठ ३, २०८१ १४:२५

प्रतिक्रिया दिनुहोस्