सगरमाथा चढ्दा आफ्नै रेकर्ड ब्रेक गरेका कामीरितालाई काठमाडौंमा भव्य स्वागत (तस्बिरहरू)

फोटो फिचर

गृहपृष्ठ
फोटो फिचर

सगरमाथा चढ्दा आफ्नै रेकर्ड ब्रेक गरेका कामीरितालाई काठमाडौंमा भव्य स्वागत (तस्बिरहरू)

क्यापिटल नेपाल शुक्रबार, जेठ ११, २०८१

काठमाडौं । विश्वको सर्वोच्च शिखर सगरमाथको ३०औं पटक सफल आरोहण गरी नयाँ कीर्तिमान कायम गर्न सफल आरोही कामिरिता शेर्पा काठमाडौं आइपुगेका छन्।

आफ्नै विश्व रेकर्ड तोड्दै ३०औं पटक चुचुरो पुगेका कामीरिता आज काठमाडौं आइपुगेका हुन्।

शेर्पाले बुधबार विहान ७ बजेर ४९ मिनेटमा ३०औं पटक सगरमाथाको सफल आरोहण गरेका थिए। उनले यसै सिजनमा दुई पटक सगमाथाको सफल आरोहण गरेका हुन्।

२०२७ मा सोलुखुम्बुको थामे गाउँमा जन्मिएका कामीरिताले पहिलो पटक सन् १९९२ र १९९३ मा सगरमाथा आरोहण गरेका थिए । तर, त्यो बेला शिखर चुम्न सकेका थिएनन्।

बीचबाटै फर्किएका शेर्पाले २४ वर्षको उमेरमा सन् १९९४ मा सगरमाथा शिखर चुमेका थिए। चुचुरोसम्म डोरी टाँग्ने जिम्मेवारी पनि पाएकाले उनले सन् २००९, २०१० र २०१३ मा एकै याममा दुई पटक सगरमाथा चढेका थिए।