भद्रपुरका किसानलाई ५० प्रतिशत विद्युत् महसुल अनुदान

कृषि

गृहपृष्ठ
कृषि

भद्रपुरका किसानलाई ५० प्रतिशत विद्युत् महसुल अनुदान

क्यापिटल नेपालशनिबार, जेठ २६, २०८१

झापा। झापाको भद्रपुर नगरपालिकाले कृषिजन्य बाली उत्पादन गर्ने कृषकलाई विद्युतीय महसुलमा ५० प्रतिशत अनुदान दिन थालेको छ।चालू आर्थिक वर्षको वार्षिक स्वीकृत कार्यक्रमअन्तर्गत कृषि सिँचाइ विद्युत् महसुल मूल्य अनुदान कार्यक्रम कार्यान्वयन गरिएको हो।

कार्यक्रमबाट नगरपालिकामा सूचीकृत कृषि सिँचाइ विद्युत् मिटर भएका करिब एक हजार सात सय किसानले लाभ लिइरहेको नगरप्रमुख गणेश पोखरेलले बताए।

‘स्थानीय कृषकलाई आर्थिक राहात प्रदान गर्दै कृषि उत्पादकत्व अभिवृद्धि गर्नुका साथै सिँचाइको दिगो प्रयोग अभ्यासलाई प्रवद्र्धन गर्ने कार्यक्रमको उद्देश्य छ’, उनले भने।

कृषि विकास अधिकृत सुमन विमलीका अनुसार किसानले कृषिजन्य बाली उत्पादन गर्दा हुन आउने विद्युत् महसुलको आधा रकम भुक्तानी गर्ने गरिएको छ। उनले योग्य किसानलाई लक्षित गरी अनुदान वितरण गरिरहेको बताए।

राज्यले चिया खेतीलाई उद्योगअन्तर्गत राखेकामा किसानले गुनासो गर्ने गरेको कृषि विकास अधिकृत विमलीले जानकारी दिए। चिया खेतीलाई कृषितर्फ राखे किसानले थप राहत महसुस गर्ने उनको भनाइ छ।–रासस

प्रकाशित मिति: शनिबार, जेठ २६, २०८१ १७:३०

प्रतिक्रिया दिनुहोस्